وارث مـــجنــون لــيـــلـــى...!!!

[بدر]

السلام عليكم...

مساكم او صبحكم الله بالخير جميعا...

القصيده هذي عندي من فتره طويله هي ومجموعة من القصائد لابوعلي الله يذكره بالخير...

واتمنى انها تكون خاليه من الاخطاء سواء الاملائيه او غيرها من الاخطاء!!!!

واللي متحسف عليه ان تنسيقي للقصيده "سيء" لاني ما اعرف طريقه كتابة القصائد في منتدى!!!

والقصيده هي ( وارث مجنون ليلى )..

انا اللي زاغ قلبي من نحيبه *** ومــن همي ومن هجر الحبيبه

لهم هم لجى بين المحاني****** وتــعذر عن مــداواتــه طبيبه

سواد الليل يطويني وانا اللي*****على نجم السماء عيني رقيبه

تنام بلــيلـهــا في لـــذ نومه***** وانا دمعي على خدي سريبه

اجاهــد واتصــبر واتجلد**** واخفي مــابي وحــــالي صــويبه

تزايد لوعتي واوهام قلبي***** وانا في حيها كـــنه غريبــــه

سكن ديره الفيحاء وعشنا**** مابــينالخشم ورمــال كــثيــبه

وكني وارث مجنــــون ليلى**** اصم ابكم ولا يسمع نديـــبه

وانا ما اسمع ولا يوحي نياحي*** ونصح الناس مانيب اعتنى به

تحدانــي زماني وامتحني****** وثــوبي مخــطر من شــق جيبه

امعافا والبلاوي عندي اكثر****تهددني وانا اتاجر وحي عطيبه

محني بالغلا من كن وصفه**** شعاع الشمس الى اقفت للمغيبه

جرى هذا وانا مالي وسيله*****اهاب النوم ونفسي مـــستريبه

صحيح ان المعنى دوم شاقي*** يجي يضحك وحالة مستصيبه

ترى هذي سياج المبتلينا****وعذري الهــوى حــموله تعــيبه

وانا من عشقتي مليت روحي****ومليت المــلا ومن لي قريــبه

وحاولت اتســلى واتنــاسا**** وانا ظنــي لـي عــزوم لبـيـبه

ولكن خانني ظني بظني**** سرق عـقـلي حسيبي من حسيبه

نسيت الدين واركان الفريضه**** ولا هو باختياري ذا غصيبه

ترى ما يتفق في جوف واحد*****عقول اثنين لا والله صعيــبه

تهاونت الهوى وارخيت دلوي****احسب انــي الى مليت اجيبه

وقع قلبي على حبل المنايا******ومن طاوع لها لزاما تصيبه

لما اني صرت له مثل العسيفه**** يقودن بالهوى قود النجيبه

تسقفتني وقادتني وراها****هنــــوف عينها عيــن السربيــبه

صحيت وقمت من غفوة منامي ***** قلبي ولا انه كد سري به

وقلت ارحم عسى يرحمك والي****معنى بالهوى طال تعذيبه

سهينا والمصايب دوم تطرد**** مريح القلب لــين انه تجـيبــه

وسلامتكم...


قصيدة: حمد العلي الهقاص..


وان شاء الله اقدم ما يفيد هذا المنتدى وتقبلوا تحياتي,,

اخوكم بدر,,

[أسير الحب]

حياك الله اخوي
بدر
ياهلا ومرحبا

بك في هذا المنتدى
الذي يجمع فنانين وشعراء
شعبيوووووووون
وانشاءالله تستفيد وتفيدنا
وكثر خيرك يابدر

[عطاشا]

ياهلا والله ومرحبا بخوي بدر

وهذي الساعة المباركة ومشكور على هالقصيدة الجميلة للشاعر الكبير حمد الهقاص

وان شاء الله تكون بداية موفقة يتبعها مشاركات طيبة

وتقبل اجمل تحية

[YsOrI]

الله يعطيك العافيه وخبر هالقصيده تلقاه عند الاخ شاعر اذا كان فيها اخطاء مع اني مااظن ..
الله يعافيك مره اخرى

[ريان]

مشكور وماقصرت اخوي بدر..

[بدر]

السلام عليكم...

اسير الحب...

عطاشا...

الخاطوف..

ريان..

الــف شــكر علـى مـداخلاتكم.. والله يحييكم على هالترحيب.. واتمنى تقديم المفيد...

تقبلوا تحيــاتي..

بدر,,

[دمعه]

وشلون مشكل يابدر وشلوووووووووووووون """
كلك ذوق يابدر وحياك الله بالمنتدى والى الامام ...

[بدر]

السلام عليكم,,

الله يحييك,,, وشكرا على مداخلتك ..

تحياتي,,

بدر..

[ابو سعد]

انا اللي زاغ قلبي من نحيبه=ومــن همي ومن هجر الحبيبه

لهم هم لجى بين المحاني=وتــعذر عن مــداواتــه طبيبه

سواد الليل يطويني وانا اللي=على نجم السماء عيني رقيبه

تنام بلــيلـهــا في لـــذ نومه= وانا دمعي على خدي سريبه

اجاهــد واتصــبر واتجلد=واخفي مــابي وحــــالي صــويبه

تزايد لوعتي واوهام قلبي=وانا في حيها كـــنه غريبــــه

سكن ديره الفيحاء وعشنا=مابــينالخشم ورمــال كــثيــبه

وكني وارث مجنــــون ليلى=اصم ابكم ولا يسمع نديـــبه

وانا ما اسمع ولا يوحي نياحي= ونصح الناس مانيب اعتنى به

تحدانــي زماني وامتحني= وثــوبي مخــطر من شــق جيبه

امعافا والبلاوي عندي اكثر=تهددني وانا اتاجر وحي عطيبه

محني بالغلا من كن وصفه=شعاع الشمس الى اقفت للمغيبه

جرى هذا وانا مالي وسيله=اهاب النوم ونفسي مـــستريبه

صحيح ان المعنى دوم شاقي= يجي يضحك وحالة مستصيبه

ترى هذي سياج المبتلينا=وعذري الهــوى حــموله تعــيبه

وانا من عشقتي مليت روحي=ومليت المــلا ومن لي قريــبه

وحاولت اتســلى واتنــاسا=وانا ظنــي لـي عــزوم لبـيـبه

ولكن خانني ظني بظني= سرق عـقـلي حسيبي من حسيبه

نسيت الدين واركان الفريضه=ولا هو باختياري ذا غصيبه

ترى ما يتفق في جوف واحد=عقول اثنين لا والله صعيــبه

تهاونت الهوى وارخيت دلوي=احسب انــي الى مليت اجيبه

وقع قلبي على حبل المنايا=ومن طاوع لها لزاما تصيبه

لما اني صرت له مثل العسيفه=يقودن بالهوى قود النجيبه

تسقفتني وقادتني وراها=هنــــوف عينها عيــن السربيــبه

صحيت وقمت من غفوة منامي= قلبي ولا انه كد سري به

وقلت ارحم عسى يرحمك والي=معنى بالهوى طال تعذيبه

سهينا والمصايب دوم تطرد=مريح القلب لــين انه تجـيبــه

@@@

تسلم والله يابدر على هالقصيده

وصح لسان شاعرنا المبدع

لاتبخل علينا باللي عندك ..

[بدر]

السلام عليكم,,

تسلم على المداخلة يا ابوسعد.. واتمنى تقديم الافضل في المستقبل..

تحياتي..

بدر..

[ابوسحر]

قصيده رائعه


تحياتي عزيزي بدر
























محبكم
ابوسحر

[بدر]

السلام عليكم,,,

دخلت اتصفح من منتدى لمنتدى وابحث عن بعض القصائد لين وجدت

هذا المنتدى الجميل.. وذهبت للتسجيل وذكر اني مسجل بهذا المنتدى

وكتبت ايميلي وتم ارسال كلمة السر لي ولكن الغريب اني يوم كتبت

هذه القصيده قبل اكثر من سنتين ما كانت بالمنتدى هذا او للنسيان

دور ... بكل الاحول سواء كان هذا المنتدى او المنتدى هذا اندمج مع

منتدى ثاني فهو تطور بشكل كبـــــــــــــيـــــر ماشاء الله والله يعطي

القائمين عليه الصحة والعافية....

وشكرا لكل من ردوا على هذا الموضوع خلال السنتين اللي راحت:) ..


بــــدر

[موسى ابومشهورالصايغ]

ابيات قمه في الروعه وسلسه للغايه
صح السان شاعرها مبدع