رساله عتـــــــــاب

[ابوسحر]

رساله عتاب



يابو بدر والله ماهقوتـي فيك

تاعد وتخلف ماتعذر وتنحاش

يابو بدر ماهيب هـذي مباديك

المرجـلة ماتوهب الناس ببلاش

يابو بدر ضاق الصدر من تغليك

أشـره عليك ولا عليِِه من الاش

يابو بدر مانيــب والله مصخيك

ألحفك عيني والأخرى لك فراش

يابو بدر خليتني في حــراويك

أرقب لك الله يقطع الغر والخاش

يابو بدر مايدخــل الرجل تشكيك

صارت سوالفكم مثل طاش ماطاش

يابو بدر سلم على ابنك وهاليك

واخلف علينا جيـةٍ تبرد الجاش

يابو بـدر رد البرا مانبي شيك

ادفع مثل ماجاك ياصاحبي كاش

يابو بدر وش مزعلك لاجل نرضيك

ياهيــه يالقمــاش دور لي قماش











محبكم
ابوسحر

[عطاشا]

شكرل لك اخوي ابوسحر قصيدة في منتهى الروعة والجمال
وجهد كبير جدا
الله يعطيك العافية

[ريان]

تسلم يمناك يابو سحر,,

[YsOrI]

قصيده في قمه الورعه بس ياليت تعلمنا منهو ابو بدر لايكون العثيم ؟؟

[دمعه]

مشكور وماقصرت يابو سحر والى امام دائما,,

[ابوسحر]

كل الشكر لكم اعضائنا الكرام لمروركم


اتمنا ان تسعدوا بصحبتنا





محبكم
ابوسحر