عسى عسا لي با لأســاء يبـعــد الأسى ( القاضي )

[ابو سعد]

هذي تعتبر من روائع ونوادر الشاعر الكبير محمد بن عبدالله القاضي وقصتها ,, ان الشاعر سمع ان فيه بعنيزه

عبد شاعر وهبة الله موهبة الحفظ , فكان هالعبد يتحدى الشعراء انه بامكانه ان يعيد قصيدته عند سماعها من

مره واحده مقابل ناقة , حتى استطاع هالعبد ان يجمع مائة ناقه , فقابلة القاضي وقال له انا بقول لك قصيده

اذا قدرت تعيده لك مائة ناقة وبشرط ان ماقدرت تعطين المائة ناقة اللي معك فوافق العبد ,فقال القاضي هالقصيده

عندها اعلن العبد عجزه عن اعادتها واعطى القاضي المائة ناقه واخذها القاضي وردها الى اصحابها

( هذي القصة اللي انا سمعت ,, يجوز ان فيه روايه ثانيه )

.................................................. .................................................. .........


وهذي القصيده




عسى عسا لي با لأســاء يبـعــد الأسى =يغطي خطا أمس بطلمس الشمس ساتر

فجــاء مـا لجــابي راج في لاج مهجتـي =رجـيته رجــاء رجـوا الـذي راج طــاير

بالأقــدار دار مــديـر الأفــلاك دالـبـي =كـمــا فـر دولاب الـدوالـيـب شـــاطـر

أسـايل رسـول الرسل يرسل رسـايلي =كـمــا أني أسيـرا بالمعاسير حـاسـر

يا هـيه يا أهل الهجن والوجن بالعجـل =عوجـوا لي اعجـال قدر فنجـال صادر

علـى عـلاكــيم وهـجــنٍ هـمـــايم=هميمــات همّـــات حــداد الـنـوظـر

مناجيـب أناجيـب المواجيب واجبي=عـلاكــم تعــالى الكـور فرضٍ يبادر

بالارسان بأمراس اربطوا روس عوصكم=من الضيق أفيق افداير الـفكـر حــاضر

أسجـل كتسجـيـل السجنجـل سـجـلتي=أزجــه بـزاجٍ من زجــاج الـمحــابر

سطـر للططر طـرس القراطيس والوطر=خطـر كالمطـر من زجـر حـور الزواجـر

سلامٍ تسلسل من سلايل مسايل=بالارسال أسال بسر الأسرار ساهر

ســلامٍ خـضـوعٍ من وضـوعٍ يـضـاعف=سلـف بألـف ألف يلـف الولـف باهـر

تحـيات حـيٍ عدة الـحي والحــياء=تـلألأ تـلالـيه ابـتلال الـجـواهــر

مطـيف لـطيف من ضـريفٍ ينمـق=نور الإنارة نـور نـار المشــاعــر

فلما انتهى يهدي الى منتهـا البهاء=صفيٍ صفـا لي بالتصافي معـاشـر

فهـو سيد ســاداتي وقادات مهجتي=حـبيب رحيب عن رياء الريب طـاهـر

نشاء بالهوى شاه المهاء شارق البهاء=كـمـا غصن موزٍ ناعمٍ فوق سـاهر

طفل عطوف لي عطوف الى طـردت=طواريه طيـرت الدموع المحــاجـر

أنا سـال من سـال عنهم ولا سلا=طوى اليأس وأمسى حاسر الجسم ساهر

قـولوا ولـو طـال النياء وأبعـد المدى=تراني على العهد الذي كـان خــابر

نهـاري جـليس امسجـلاتي وبالدجاء=جـليس الجـوار السـاهرات الزواهـر

أجـول ولي قلـبٍ خجـول مؤجــل=سقيم مقيم بي وهو لك مســامر

لكني بروجات الهواجيس لا أوجهت=غـريقٍ بلجــات البحـور الزواجـر

فـلـولا أن لـولا ثم تلـويت ليتني=لداعي الغــرام إني مجيب مبادر

تجـلجـل بلاجي لجـة الموج التجى=على حال جانب حامد الصبر عابت

أعــال عليل علته عـال عرفهــا=ومن شفت أشافيها بشافيه قادر

فـلـو بلبلـو بالي عـذالي وعـالجـو =فأنا فيه آلاوي منكـر الشـوق بـاير

ولا لامـنـي إلاّ لـئـيـمٍ بـلا مهــــا=عـلامي ألاوي لايـمٍ غـيـر عــاذر

[عطاشا]

والله يابو سعد لو هو بيت واحد ما قدرت اعيده وشلون قصيدة بهذا الشكل

وهذي القصة ذكرتني بقصة الأصمعي مع ابو جعفر المنصور( صوت صفير البلبلي )

[YsOrI]

والله مايعيده ههههههههههههههههههه لو ينهبل .
صوت صفير البلبل اقول نم بس الله

يعطيك العافيه يابو سعد وبديت ماشالله عليك تطلع قصائد حلوه ياليت تستمر

[عطاشا]

ابو سعد لا يضحك عليك الخاطوف وتطير بالعجة وتستمر انصحك لا تستمر

[أسير الحب]

مشكووووور اخوي ابو سعد ويعطيك الف الف عافية

[دمعه]

عوااااافي وماقصرت .....

[ريان]

مشكووور يابو سعد وننتظر جديدك,,,,

[ابو سعد]

الشكر والتتقدير لجميع من تكرم بالمرور هنا

تحياتي لكم

[روح التميمي]

شكرا يابو سعد . . القصيدة معروفة لشاعر نجد الكبير محمد العبدالله القاضي , لكن القصة ملفقة وهي مثل ما قال عطاشا مركبة على قصيدة صفير البلبل للأصمعي . والقصيدة ـ في رأيي المتواضع ـ ليست من روائع القاضي الروائع لا تكون بالتلاعب بالألفاظ بل تكون بالصور وابتكار المعاني وبيان جمال الألفاظ , والقاضي له من هذا الحظ الوفير , مثل القصائد التالية :
قصيدة القهوة ـ إلى أفكرت بالدنيا تكدر لي الصافي ـ أفكرت بالدنيا وهيضت مكتوم ـ لعل براق حقوق خياله ـطلال لو قلبك حجر أو حديدي ـ حل الفراق ـ لطيف رحب ـ أجل عنك مالدنيا إلى عاهدت تافي ـ أجل عنك مالدنيا بيلحق لها تالي ـ البارحة يوم المخاليق ضلوا ـ وتوبته المشهورة . . إلخ تحياتي لك مرة أخرى يابو سعد واعذرني على الإطالة .