غمضي عينك

[ابوسحر]

غمضي كودك تشوفيني خيال =لاعجز ناظرك يلمحني بشوف

لوصدوق الحب يعطى بالسؤال=قلت سوي بي جميله ومعروف

كيف ابرجي منك للخطوه وصال=وانتي اعند في نظرك من الظروف

اتركيني للأمل في كل حال=يكفي ان جيت بخيالك بالصدوف

المحبه شف مافيها جدال=والغلا ماتصنعه بعض الوصوف

كل هالدنيا مرده للزوال=وش نفع من ضاعت ايامه حسوف















محبكم
ابوسحر

[أحبه حيل]

http://www.5alawy.com/logos/imges/5alawy_43.gif

المحبـه شـف مافيهـا جــدال
0000 والغلا ماتصنعه بعض الوصـوف

كـل هالدنيـا مـرده لـلـزوال
0000 وش نفع من ضاعت ايامه حسوف

الله عليك ياسليمان والله على هالكلام العذب اللي تتحفنا فيه

وسلمت يمينك اخوي ابو سحر


http://www.5alawy.com/logos/imges/5alawy_43.gif

[عطاشا]

يعطيك العافيه وماقصرت اخوي ابو سحر

[ابو سلطان 6]

غمضي عينك كودك تشوفيني خيال * * * لاعجز ناظرك يلمحنـي بشـوف

مبدع دائماً ابو سحر

خيال شاعر ولا اروع

[أسير الحب]

يعطيك العافيه يا ابو سحر
ويسلم شاعرنا

[ريان]

سلمت يمينك اخوي ابو سحر

[ماجدونا]

ابــو ســـحــــــر

حياك الله .. وتسلم على القصيده الذربه لشاعرنا ابو عبدالله

المحبه شف مــا فيها جــدال 000 والغلا مــا تصنعه بعض الــوصــوف

سليمان السلامه ... صح لسانك

تحيااااتي

[123456]

يكفي ان جيت بخيالك بالصـدوف

صح لسانك

[أبو عبدالله 100]

صح السانك الله يعطيك ألف عافيه وما قصرت ونتمنى المزيد من أبداعاتك .

[الريح]

صح لسانك اخوي ابو سحر ولسان ابوعبدالله

ابو سحر ما ابالغ لو اقول انك ركن من اركان المنتدى

حقيقه شعله من النشاط الله يعطيك الف عافيه


وعندي ملاحظة صغيره

من المعروف ان سليمان السلامه شاعر مبدع وشاعر له وزنه وثقله

ولا اظن شاعر بحجم ابو عبدالله يخطي بالوزن


والشطر هذا00000غمضي عينك كودك تشوفيني خيال0000 مكسور

واتوقع انها كذا0000 غمضي عينك وشوفيني خيال000


والله اعلم


وارجو انك يابو سحر ماتأخذ الموضوع بأني ابحث عن اخطاءك

لا والله 00

لكن لكي تظهر القصيده بكامل زينتها

وسجلني من متابعينك

[سليمان السلامة]

أخي وحبيبي أبو سحر تحية

أشكرك للمتابعة ويعجز لساني عن شكرك ، ألفت انتباهك لخطأ مطبعي في مطلع القصيدة

حيث وردت / غمضي عينك كودك تشوفيني خيال 00

والصحيح / غمضي كودك تشوفيني خيال 00 لاعجز ناظرك يلمحني بشوف 00

لك كل محبتي وتقديري ابو سحر 00



أخي الريــح تحية

ألف شكر لك للملاحظة والتي تدل على شاعريتك وتذوقك الراقي 00

أخوكم / سليمان السلامة

[ابوسحر]

أولاً : اشكر لكم مروركم وتعليقكم على القصيده

ثانياً : كل الشكر عزيزي الريح لملحوضتك الرائعه

وكُلي أسف على الخطأ المطبعي ولكن مع زخم المشاركات وتنوعها حدث هذا الخطأ

وسعيد بوجود اعضاء يستمتعون بالشعر في كل معانيه وليس لمجرد المشاركه

ووصف الشاعر لك اكبر دليل ....


ثالثاً : يشرفني مرور الشاعر سليمان السلامةعلى الموضوع



تقبلوا تحياتي





محبكم
ابوسحر