: ولّي عجوزٍ كل بيتٍ تعسـه__سالفه وقصيده__

[عطاشا]

مرحبا..

وشلوونكم..

اليوووم جايب لكم سالفه وقصيده..

سالفتنا اليووم عن شخص اسمه محمد بن مهلهل الشعلان الرويلي..من قبيله عنزه

بن مهلهل هذا ذبح له رجال وجلى ((يعني رحل او طلع )) عن قبيلته لمده سبع سنوات..عند احدى القبائل المجاوره..ولما خلصت السبع سنين..رجع بن مهلهل وكله امل انه بعيش بقيه عمره مع اهله وقبيلته..

واول ماوصل بن مهلهل..وتوه ماقال ياهادي وقاعدين يبنون بيت الشعر..والا يشوف له رجال يتهاوشون..وهو يفزع يبي يفرق بينهم..واول ماشافه واحدن منهم وهو يدخل بوجهه..المهم..هم كانو ثلاث رجال..اللي دخل بوجه بن مهلهل
واثنين يلاحقونه..ويبون يذبحونه وهو بوجه بن مهلهل..وهويقول بن مهلهل الوجه الوجه..يبيهم يعدلون عن رايهم بذبح الرجال لانه بوجهه ومفروض يحترمونه..بس الرجاجيل ماحولك احد..يبون راس هذاك..المهم..وهي تصير بينهم
وهو ياخذ بن مهلهل السيف وهو يذبح حدى هالرجاجيل دفاعا عن الرجال اللي دخل بوجهه..

يااامااال فرقا العيـن 00 الرجال توه راد من الجلى :( وذبح له رجال ..يعني لازم يجلي مره ثانيه..وهو توه ماتهنى بقعدتن مع اهله وبني عمه..

طبعا هو ضاق به الحال..وقبل لايبنى بيته انطوى..

وقال هالقصيده ينصح فيها ولده ..انه مايتدخل باللي مايعنيه..علشان مايصير له..مثل ماصار لابوووه===>>>والله من ردااة حظ ابوووه:


وهذي هي القصيده اللي قاله ][ محمد بن مهلهل الرويلي ][


طس السبيـل من أشقـر اللون طسـه===الشـاوري يجلي عن القلب عـله
مـــــن كيـس قرمٍ دايــمٍ مـايــدسـه===تلقـاه مجدوعٍ على جـال دلــــه
يـامل قلــبٍ المشـاحـــــــي تمســه===مسة حبالٍ مهاوزات الاظــلــــه
ولي عــجـــوزٍ كل بيتٍ تــعــــــسـه===حتى سفيـهٍ بالعرب جايــزٍ لــه
الذيـب يفرس والاسـد صار بســـــه===تغيـرت دنيـاك يافاطــــــنٍ لــه
لو عندنا من غيب الايام رســــــــــه===الادمي مصلوح نفســـــه يدلــه
دع بالك المثلوث بالملح رصـــــــــه===يامـا يثور الملح من مضنتسله
ليا صار سيفك عن خصيمك تدســـه===ماينقعد لك في حصون المذلـه
وليا صار ماحقك بسيفك تقصــــــه===ينزاح عن قلبك صدى كل علـه
ان شفت ضول النـاس بالك تعســه===وان جنبك شر المخاليـــق خلـه



وسلامتكم

منقوووووووووووووول

[ريان]

ازين هذي اللقافه هههههههههههههه
مشكووور اخوي عطشطش,,,

[عطاشا]

تعلم ياريان من هالقصة واذا فزعت لا تذبح
شكرا لمرورك

[أبو عبدالله 100]

مشكور يأبعدي وماقصرت ويعطيك ألف عافية

[عطاشا]

الله يعافيك اخوي ابو عبدالله100 وشكرا لمرورك

[أحبه حيل]

http://members.lycos.co.uk/edborders/newBorders/b258.gif

الذبح قبل ابلاش

ولابيــع برد

يستاهل ينجلي ومايرد بعد أجل أرواح الناس لعبه .

ويسلموو على القصه الداميه .



http://members.lycos.co.uk/edborders/newBorders/b258.gif

[سلمان فون]

مشكور وماقصرت اخوي عطاشا وبارك الله فيك

[YsOrI]

شكله حار بالحيل مثل مزاجي بالضبط اولا ... ؟

[عطاشا]

شكرا لكم جميعا على المرور والله يعافيكم

الخاطوف : والله انك صادق نفس مزاجي عصبي بس الفرق ان مزاجي ما يذبح يسعبل

[راعي العوجه]

يعطيك العافيه يا عطاشا


بس ياشباب لاتلومونه هذا فك الدخيل وكل شخص يدخل دخيله شخص لازم يفكه

الا ردي الاصل مايحمي الدخيل

تحياتي :.

[عطاشا]

شكرا لمرورك اخوي ابو سعود وتعليقك على القصة

[ابوجريس]

يعطيك العافيه اخوي عطا شا

يـ،ـ،ـ،ــــــــــــــلــــمــــــــو