فتحت الصدر كامله

[عبدالرحمن العقيلي]

فتحت الصدر





فتــحت الصـدر يافتنه وفرجتك على قلبي
حللـــتي وادي فـوادي نزلتي به وخيمتي
وشفتي ماخفى مني وهـمي منـك يلعـب بي
ولايدري عن احوالي سوى ربي وانا وانـتي
زرعت بروضة الياليت غرامي بك وحسر بي
تمنيتك ترجيتك وصادقــتي ردى بختــي
يمشيني رجى وصلك اجي واقف على الدربي
وطرفي شاخص ياهيه لكن ماتلاينــــتي
هقينا ماهقينا بك وشكوانا عـــــلى ربي
يضيع العمر للعاشق ولامن حاكم يفتــــي
بشوق وخوف من شانك وانا المطعون في جنبي
هي البلوى رمت حظي عليك وماتورعتــي
اصيح بصوتي الخافي الى نسنس هوى الغربي
يجاوبني صدى صوتي وانا اللي لازم صمتي
هوى واشواق تطلع بي سماها ثم تنزل بـي
ولاشالت ذلول الله مثل ماشلت في وقتــي
الى جاء الصبح اسجم وانطوي مع همي وتبي
سواد الليل يداويني دوى العشاق الى نمتـي
احبك واشتكي حبك ولاقلتي سبـــب حبي
تجاهلتي وجود اللي يعاف الناس الى غبـتي



من كلمات

حمد العلي الهقاص البقمي

[عطاشا]

][®][^][®][اصيح بصوتي الخافي الى نسنس هوى الغربي

يجاوبني صدى صوتي وانا اللي لازم صمتي

صورة جميلة جدا وقصيدة رائعة

اخوي شاعر تسمعني
الله يعطيك العافية قل امين][®][^][®][

[ماجد]

مشكور ويعطيك الف عافيه

[عبدالرحمن العقيلي]

هلا عطاشا
ايه اسمعك
واقول امين واياك
ومشكور

الا وش رايك بهالبيت شف تصوير الشاعر

هوى واشواق تطلع بي سماها ثم تنزل بـي

ولاشالت ذلول الله مثل ماشلت في وقتــي

هو يقصد ان الارض ماتشيل الوجد اللي يشيله
هو ( ذلول الله ) الارض

[عبدالرحمن العقيلي]

ماجد
الله يعافيك
واشكرك على مرورك


اخوك
شاعر

[عطاشا]

اخوي شاعر
السلام عليكم
هوى واشواق تطلع بي سماها ثم تنزل بـي

ولاشالت ذلول الله مثل ماشلت في وقتــي

ولا شالت مطايا الارض مثل ماشلت من وقتي

في حفلة الشعلة غنى الشطرين

وبعدين القصيدة من الروائع
الف شكر وتقبل تحياتي

[سفنجه]

الى جاء الصبح اسجم وانطوي مع همي وتبي

سواد الليل يداويني دوى العشاق الى نمتـي

ابداع في تصويرالهم خلال اليوم.هذه القصيده ابدع ابوناصر في تركيب اللحن والتفاعل مع كلمات القصيده.

اخوي شاعر مـــــــــــــشــــكــــــورعلى هذه القصيده.

[عبدالرحمن العقيلي]

اخوي سفنجه
لاشكر على واجب
واسعدني مرورك على الموضوع
اخوك
شاعر

[ريان]

الف شكر لك اخوي شاعر

[ابو سلطان 6]

هوى واشواق تطلع بي سماها ثم تنزل بـي
ولاشالت ذلول الله مثل ماشلت في وقتــي

من اجمل ما غنى من قصيد ( يا ليت اني شاعر ويصير بس لي هالبيت واعتزل الشعر )

مشكور والله يعطيك العافية
تحياتي

[الله اقوى]

يعطيك الف الف عافية اخوي شاااااااااااااااااااعر
احبك واشتكي حبك ولاقلتي سبـــب حبي
تجاهلتي وجود اللي يعاف الناس الى غبـتي

[مزاجي]

يوووووووووووووووووووووووووووه
يازينها من قصيده ويازينها من اغنيه

[weld_alriyadh]

مشكوووور اخوي شاعر على القصيده
روووووعه وماقصرت

تحياتي لكم ......

[محمد سليمان الديلي]

اخوي شاعر مساء الخير ماترى ان كلمة مطايا الارض اجمل تصوير

[عبدالرحمن العقيلي]

اخوي ريان
لك مني جزيل
الشكر على مرورك
اخوك
شاعر

[عبدالرحمن العقيلي]

ابو سلطان
من ميزة هؤلاء الشعراء
انهم يعبرون عما في نفوسنا
اتمنى انك تصير يوم من الايام نابغة بالشعر
اخوك
شاعر

[عبدالرحمن العقيلي]

الله اقوى
الله يعافيك يالغالي
اخوك
شاعر

[عبدالرحمن العقيلي]

تسلم يامزاجي
من ذوقك
اخوك
شاعر

[عبدالرحمن العقيلي]

ولد الرياض
لاشكر على واجب
وانتم تستاهلون اكثر
اخوك
شاعر

[عبدالرحمن العقيلي]

الاخ محمد سليمان الديلي
وكذلك الاخ عطاشا
تسائلتوا عن هل هي مطايا الارض او ذلول الله
وقد سالت ابو علي عنها وقال انها ذلول الله
ويقصد ( ماشالت الارض كثر الوجد اللي اشيله)
واعتقد انه تعبير اقل مايقال عنه انه قمة بالبلاغة
وتوضيح شدة الوجد لدى الشاعر
لكم تحياتي
اخوكم
شاعر

[دمعه]

احبك واشتكي حبك ولاقلتي سبـــب حبي ==== تجاهلتي وجود اللي يعاف الناس الى غبـتي

يسلمووووووووووووووووووووووو ياشاااااعر

وعوافي عليك .....

[أبن الضليعه]

تجاهلتي وجود الي يعاف الناس الى غبتي
هذا الشطر من البيت الأخير قصيده لوحده
ابو علي لديه ملكة تصوير رائعه وقويه
لكن من يشرح لنا القصيده كامله بصورها الشعريه
كل الشكر للجميع

[عاشق ومالي حبيب]

اصيح بصوتي الخافي الى نسنس هوى الغربي
يجاوبني صدى صوتي وانا اللي لازم صمتي

صح السان الشاعر الكبير ابوعلي

الف شكر اخوي على القصيده

يعطيك العافية

[ابو حمدA]

وشفتي ما خفى مني وهمي منك يلعبي
ولا يدري عن احوالي سوى ربي وانا وانتي

الف الف الف شكر اخوي شاعر والله يجزاك خير والسامعين

[ناهض]

ابو حمد يعطيك العافية مشكور روعة من روائع هل عنيزة

[sau_1295]

من اجمل الشعر اللي مر علي
وخاصه غناها الطيار

[sau_1295]

منتازه بالحيل قووووه

[ناهض]

اصيح بصوتي الخافي الى نسنس هوى الغربي
يجاوبني صدى صوتي وانا اللي لازم صمتي

بيت فيه ضرب من الخيال .. من شدة اللوعة والحشرجة بالصدر



احبك واشتكي حبك ولاقلتي سبـــب حبي = تجاهلتي وجود اللي يعاف الناس الى غبـتي

( بيت يصيح )
تسلم وسلم من قال