مشاهدة النسخة كاملة : أتحداكم وخصوصا الرادار ..!
روح التميمي
2005, 11:46 AM
وهذا لغز من قريحة التميمي كالعادة يعني مهوب منقول , وهو موجه مني للجميع وخاصة أبوالألغاز رادار المنتدى عطاشا , واتحداه يحله , وإن حله ترى جائزته مهيب عشا مثل جائزة خوينا الجديد البعير المتبودر قصدي الغزال الملثم .. الجائزة سيارة .. نعم سيارة , وتراي سامح لك تستعين حتى بخوياك الجن دمعة وربعكم من الشلة الماسونية .. استلم : أنشدك عن شي(ن) طويل(ن) ويبلص=متلاصقه رجليه وعيونه كبار
غدّار في حال(ن) وفي حال مخلص=بالصبح خواّف(ن) وبالليل جبار
جاري البحث <<<<<<<<<<<<<<<<<<
سهل واعرفه بس علمن وشي السياره سانهي تستاهل ولا مهوب لازم !
الصرح الشامخ لا تنسفه طرطعانة ..! انفجرت من الضحك ونا اقراه ههههههههههههههههههههههههههههههههههههههههههههه ههه
الله يستر منك يالتميمي شكلك سياسي !!!
والله يالتميمي خذ هالرمعه >>>>>(نور الشارع) اللي هو عمود الكهرب .....
ولاتكتب السياره بأسمي ترى علي مخالفااات !!!!! >>>>>>>>>>واثق
سيارة الجهاز به به بطاريات إنرجايزر ولا بدون ؟ :83:
لأن رمعة طارق جازت لي صراحه .. والسيارة مناصفه بيني وبينه ... إسبوعٍ يلعّب به .. وإسلوب ألعب به أنا
وماعليك من عطشطش ماعنده سنع
خذ هالرمعتين يالتميمي 000 شكل اللغز معقد
عيون القطط 00 او السراب
والله ياعطاشا اثرك ذكي ........تحل الغازززز !!!!!
وش صااار ياناس وين التميمي يعطين حل الربع هو صح ولا لا """
علشان مانفكر ونعصر المخ ""
روح التميمي
2005, 11:40 AM
معليش ياجماعة سامحونا سفهتكم تسم يوم لأني نسيت إني حاطٍ لكم لغز هنا .. والله عذر أقبح من فعل !!
قريت حلولكم ورمعات قلوبكم !! قصدي رمعات أفكاركم , وكلها ما هيب يم سنع , وإن كان حل طارق دوخني الحقيقة , لأنه يصلح .. عندي لكم راي حاولوا تشغلون هالدمامل اللي بين كتوفكم زين وتبون تلقون الحل ..!
روح التميمي
2005, 11:53 AM
سهل واعرفه بس علمن وشي السياره سانهي تستاهل ولا مهوب لازم !
الصرح الشامخ لا تنسفه طرطعانة ..! انفجرت من الضحك ونا اقراه هههههههههههههههههههههههههههههههههههههههههههههههه
الله يستر منك يالتميمي شكلك سياسي !!!
تستاهل ..! إلا تستاهل ونص وثلاثة أرباع , بس أنت ورنا حلك .. والظاهر إن ما عندك سالفة مع احنرامي للسالفة يالخاطوف !! هه هه هه
أما التوقيع .. فليش خليته وخليتني معه سياسي !! هذا معنى شامل والسياسة جزء صغير جدا من شؤون الحياة !
السياسي هو المنتمي لحزب قصدي شلة مثل الماسونية !!
تحياتي لك وللجميع
ياسر التميمي
2005, 06:25 PM
سهم الشمال
روح التميمي
2006, 11:20 AM
سهم الشمال
لا .. سهم المراعي !! هه هه هه هه
ما عليش يا مديرنا العام .. اسمح لنا طال عمرك , متى نلقى مثل هالفرصة نتتريق فيها عليك مادامك عطيتنا مقاضيبك ..!
حياك الله ياطويل العمر , ومرورك والله العظيم شرفني وشرف موضوعي , أما اللغز فما لك لوا مهوب سهم الشمال ! وليتك تتكرم وتقول لنا وشو سهم الشمال لأني بصراحة ما أدري وشو !
تقبل تحياتي
روح التميمي
2006, 11:31 AM
المثلث
هلابك ياعطاشا مرة ثانية .. ولا لك لوا طال عمرك مهوب المثلث ! ولك تسعة آلاف محاولة وأتحداك تحله ..! أنا حاط اللغز هذا علشان تدوخ والله العالم لو تفحط ما لقيت حله , وشف عنوان الموضوع تعرف إني ناويك أنت بالذات .. وإلى عجزت علمن علشان أعلمك وإذا علمتك تبي تقول : إي والله ! صح ! وشلون غاب عن بالي !!
هلابك ياعطاشا مرة ثانية .. ولا لك لوا طال عمرك مهوب المثلث ! ولك تسعة آلاف محاولة وأتحداك تحله ..! أنا حاط اللغز هذا علشان تدوخ والله العالم لو تفحط ما لقيت حله , وشف عنوان الموضوع تعرف إني ناويك أنت بالذات .. وإلى عجزت علمن علشان أعلمك وإذا علمتك تبي تقول : إي والله ! صح ! وشلون غاب عن بالي !!
والله انه عقدني حتى اني استعنت بصديق واصدقاء ومافيه فايده
بس المحاولا ت جاريه
ياسر التميمي
2006, 05:46 PM
ماتعرف سهم الشمال الي بالسماء !
وش مقاضيبه الله يهديك يعني الواحد الى رمع صار مقضوب !
انا احاول مثلي مثل عطاشا الله يطول بعمره
روح التميمي
2006, 09:09 PM
والله انه عقدني حتى اني استعنت بصديق واصدقاء ومافيه فايده
بس المحاولا ت جاريه
ويا مالك من الدوخة بعد ..! حاول وحاول وحاول , وإلى عجزت تبي تحله !! وش تبي أكثر من هالتوضيح !!
تقبل تحياتي وكل عام وأنت بخير .
روح التميمي
2006, 09:14 PM
ماتعرف سهم الشمال الي بالسماء !
وش مقاضيبه الله يهديك يعني الواحد الى رمع صار مقضوب !
انا احاول مثلي مثل عطاشا الله يطول بعمره
استفدنا معلومة جديدة .. وطبعا مادام إني ما عرفت سهم الشمال فأكيد إنه مهوب هو .. أما حكاية المقاضيب فانسها طال عمرك مجرد مزحة , ولك الحق في المحاولة مثل الجميع مهوب بس طويل العمر عطاشا .. واعذرنا على التميلح ! وكل عام وأنت والجميع بخير .
روح التميمي
2006, 12:57 PM
يا ألله .. تسيف أنا أنسى يا ناس !! معليش ياشباب مشكلتي إني ملتزم بالكتابة في عدة منتديات وأنسى موقع حبنا هذا دايم .. معليش امسحوها بشنبي هالمرة !!
قبل أحل لكم اللغز اللي طلع عيونكم ودي أقول لكم قصة , وهي إني مرة كنت مسيّر المغرب على ناس باستراحة ومادريت إلا وصوت رسالة بالجوال , وأفتح وإلاه من بنت أخوي , وبنت أخوي هذي شايفةٍ بي شوفة عنده إني مثل الأمراء أعرف لكل شي !!
المهم فتحت الرسالة وإلى فيها لغز أكيد مر عليكم هذاك اللي يقول : ياكل الحجر ومدري ويش ومدري ويش ! المهم إنه لغز دوخ أمة محمد .. يوم شفته وحللته عرفت إنه مهوب يم سالفة يعني ما له حل ! وكتبت لي تحت : أرجو إرسال الحل فورا ! المهم قمت أنا وكتبت هاللغز اللي تحديت به حبيبي الرادار عطاشا والجميع , وقلت له : (تدرون .. اصبروا شوي بس تكفون أببعد وأمسك الباب !) قلت له : حل لغزك هو نفسه حل هاللغز !! يعني مهوب شي !! هه هه هه
بس تدرون .. والله العظيم وباسمه الكريم إنه أرسلت لي عقب شوي تقول حل لغزك ( عمود الكهرب ) !! مثل ما قال طارق بالضبط !! الكلام هذا له أكثر من سنة ونص ! ولو أثري منب سهل !!
إذا .. لغزنا هذا ياجماعة الربع مهوب شي وتعيشون وتاكلون غيره !! هه هه هه هه هه
كني أشوفكم وخصوصا المدير العام تضرسون علي وودكم توطونن برجليكم ..! بس معليش أنا حبيبكم ورفيقكم التميمي , وأكيد دمعة يبي يفزع لي لأني دخيل الله ثم دخيله .. وودي أقول لأي واحد منكم يملك صلاحيات التعديل والظاهر إن كلكم تملكون هالصلاحيات : ليتك تغير معرفي من ( التميمي) إلى (روح التميمي) , لأن هذا الأخير أكتب به بعدة منتديات وأهمها مجلس عنيزة , والأول أتنازل به لابن آخينا (التميمي ـ sa) .. مع جزيل الشكر والتقدير
ولكم تحياتي
الله يرجك يالأديب الألمعي وهذي اخرة اللغز ماله حل ماكنش العشم
لكن بسيطة نشوف لك حل
الاشاره
يقول لك ماله حل وانت مازلت ترمع
يا عطاشا لاصار ماله حل ندورلك
ويش رايك بملقاط الجمر يصلح والا لا
هههههههههههههههه
vBulletin® v4.2.0, Copyright ©2000-2025, vBulletin