روح التميمي
2006, 12:13 PM
هذه بعض المقاطع من قصيدة للشاعر المرحوم / إبراهيم المحمد العبدالله القاضي , المتوفى سنة 1346هـ , وهو الابن الأصغر لشاعر نجد الكبير , وفيها حكم وتصوير لواقع نعيشه اليوم من قلب للمقاييس التي أصبحت تصنف الرجال وفق أرصدتهم البنكية , حتى صار من يملك ثلاثين مليون فأكثر يلقب بالشيخ فلان ( حتى ولو كان ما يسوى ملي إنه تراب كما تقول العامة ), وما أكثرهم هذه الأيام ! و(الشيخ )مصطلح تم ـ وللأسف ـ تدنيسه واختطافه اقتصاديا بعد أن كان رمزا لكل القيم الأخلاقية التي استبدل بها القيم المالية .فالشيخ في الأصل هو ذو المكانةمن علم أو فضل أو رياسة , والشيخ السلطان أو الأمير , ومن معاني الشيخ المعجمية الكبير في السن , قال الراجز (أنا شيخ ولي امرأة عجوز ) . . وكلها تهون إلا شيخ الدراهم !! وأعتذر إليكم عن هذا الاستطراد الذي جرته المرارة من ( . . هالزمان اللي برتني عكوسة ! ) وأصابتني عدوى المرارة مما ذكره إبراهيم القاضي رحمه الله وذكره غيره كثير من الشعراء . . قال إبراهيم القاضي :
من قل ماله صـار ماهـوب رجـال=لو هوصميم مـن خيـار الرجاجيـل
يهون قدره بالمجالـس وإلـى قـال=يسفه ولا يوحى ولو صـاح بالحيـل
وإن كان في كفه سحوت مـن المـال=يحشم ولو من هو عفـون الزماميـل
أشوف وأغضي واقهر النفس بحبـال=وأغض ما بالصدر وبالصبر وآشيـل
ومحمـل نفسـي حمـل كـم حمـال=ومكلفـه ومصخـره كنـه الفـيـل
واعلـل النفـس الشقيـة بـالامـال=واد جرى لا بد يجـري مـن السيـل
ولا نفـع بالنفـس توريـد الأمثـال=تقول دعني واتـرك القـول والقيـل
يا قلبـي اللـي صـار للهم مدهـال=كب الطنـا مـا تستخيـل المخاييـل
بوارق جنح الدجـى تشعـل إشعـال=بلكي علـى راسـك تهـل الهماليـل
قال التماني مـا بهـا واحـد طـال=يبذر هبوب ويقبـض الهـم ولويـل
وإن شفت من فود الدهر وزن مثقـال=فالشر فـي تاليـه هيـل بـلا كيـل
كم بت ساهر سامر النجـم واحتـال=من ضيقة الخاطر ومن شوفي الميـل
واصبحت مضروب على الكبد بخـلال=ومن حرها شبت بجاشـي مشاعيـل
مضهود والمضهود ماهـوب حمـال=مثل البعير إلـى انقطـع بالجواديـل
لو يضربونه مـا تنهـض ولا شـال=وهم يحسبونه قـوي علـى الشيـل
حـوادث الدنيـا غيـارات وأهـواال=فيض وبعض الفيض غيظ وغرابيـل
كم حدرت مـن روس قـوم ودركـال=وادعت على ملكـه تنـوح البلابيـل
. . . إلى أن قال :
وعنزت بالشكوى إلـى واحـد عـال=عالم دبيب النمل فـي مظلـم الليـل
إمـا حيـاة تبهـج النفـس واقبـال=وسود الليالـي نـور عـزه قنادبـل
وإلا فـلا ينعـاف قصـاف الآجـال=رحمة جزيل المـد خيـر التحاصيـل
من بحر جـودك يالطيـف بالاحـوال=يا منجي ذالنون ومهلك هـل الفيـل
صفح جميل ختمهـا خيـر الاعمـال=وفي زمـرة الأبـرار يـوم التنافيـل
يوم به المخلوق تشخـص بالاهـوال=والشمس عن روس الخلايق تجي ميل
بعـده صـلاة للنبـي عـد مـا زال=من جملة المخلوق جيـل بعـد جيـل
وما انحدر نجم على الغـرب حـوال=من مضنك القطب الشمالي إلى سهيل
أو ما اعتلى صوت الملبـي بالاميـال=علـى نبـي فصـل الحـق تفصيل
ملحوظة ..
سبق نشره في مجلس عنيزة .. والكاتب هناك هو الكاتب هنا . وللجميع تحياتي
من قل ماله صـار ماهـوب رجـال=لو هوصميم مـن خيـار الرجاجيـل
يهون قدره بالمجالـس وإلـى قـال=يسفه ولا يوحى ولو صـاح بالحيـل
وإن كان في كفه سحوت مـن المـال=يحشم ولو من هو عفـون الزماميـل
أشوف وأغضي واقهر النفس بحبـال=وأغض ما بالصدر وبالصبر وآشيـل
ومحمـل نفسـي حمـل كـم حمـال=ومكلفـه ومصخـره كنـه الفـيـل
واعلـل النفـس الشقيـة بـالامـال=واد جرى لا بد يجـري مـن السيـل
ولا نفـع بالنفـس توريـد الأمثـال=تقول دعني واتـرك القـول والقيـل
يا قلبـي اللـي صـار للهم مدهـال=كب الطنـا مـا تستخيـل المخاييـل
بوارق جنح الدجـى تشعـل إشعـال=بلكي علـى راسـك تهـل الهماليـل
قال التماني مـا بهـا واحـد طـال=يبذر هبوب ويقبـض الهـم ولويـل
وإن شفت من فود الدهر وزن مثقـال=فالشر فـي تاليـه هيـل بـلا كيـل
كم بت ساهر سامر النجـم واحتـال=من ضيقة الخاطر ومن شوفي الميـل
واصبحت مضروب على الكبد بخـلال=ومن حرها شبت بجاشـي مشاعيـل
مضهود والمضهود ماهـوب حمـال=مثل البعير إلـى انقطـع بالجواديـل
لو يضربونه مـا تنهـض ولا شـال=وهم يحسبونه قـوي علـى الشيـل
حـوادث الدنيـا غيـارات وأهـواال=فيض وبعض الفيض غيظ وغرابيـل
كم حدرت مـن روس قـوم ودركـال=وادعت على ملكـه تنـوح البلابيـل
. . . إلى أن قال :
وعنزت بالشكوى إلـى واحـد عـال=عالم دبيب النمل فـي مظلـم الليـل
إمـا حيـاة تبهـج النفـس واقبـال=وسود الليالـي نـور عـزه قنادبـل
وإلا فـلا ينعـاف قصـاف الآجـال=رحمة جزيل المـد خيـر التحاصيـل
من بحر جـودك يالطيـف بالاحـوال=يا منجي ذالنون ومهلك هـل الفيـل
صفح جميل ختمهـا خيـر الاعمـال=وفي زمـرة الأبـرار يـوم التنافيـل
يوم به المخلوق تشخـص بالاهـوال=والشمس عن روس الخلايق تجي ميل
بعـده صـلاة للنبـي عـد مـا زال=من جملة المخلوق جيـل بعـد جيـل
وما انحدر نجم على الغـرب حـوال=من مضنك القطب الشمالي إلى سهيل
أو ما اعتلى صوت الملبـي بالاميـال=علـى نبـي فصـل الحـق تفصيل
ملحوظة ..
سبق نشره في مجلس عنيزة .. والكاتب هناك هو الكاتب هنا . وللجميع تحياتي