تسجيل الدخول

مشاهدة النسخة كاملة : قال روح التميمي (2)

روح التميمي
2006, 09:29 PM
استلموا الجديد . . قال روح التميمي :



ويش عذرا فيها بنتٍ مستتبّه=تِعشق العذرا وبنته ماهي وَلْفِه

أول أمره صلفةٍ والبنت رطبه=وآخر أمره رطبةٍ والبنت صلفه !
عطاشا
2006, 01:18 AM
التمرة والفصمة
طارق
2006, 03:38 AM
يصلح الفستق يمكن !!!!!!!!!!!
غاده
2006, 04:02 AM
اول امره صلفة والبنت رطبه ...... البسره تكون قاسيه بالبدايه والفصمه اللي داخلها لينه شوين

واخر امره رطبة والبنت صلفه ....... لما تتحول البسره لتمره اورطبه تلين اما الفصمه فتقسى

صح علي يالبناخي ؟؟؟؟؟؟؟؟؟
عطاشا
2006, 08:49 PM
عيني عينك غادة تسرق رمعتي

هههههههههههههههههههه

امسكوووووووووووووووووها حرامية

اقل شي قولي منقول
غاده
2006, 02:48 AM
ههههههههههههههههههههههه

ياخي شنوحك انت ظالمن ؟؟

انت ماتسمع بتوارد الخواطر والافكار!!

جايز ان الرمعه اللي جتك جتن صف النيه ياعطاشا ..

عاد تدري !! اصبر لين يجي التميمي ويحلها

اخاف انا وانت كلنا غلط ونتقاضب الحلوق على الفاضي

ههههههههههههههههههههه
طارق
2006, 08:06 AM
نتقاضب الحلووق ... هههههههههههه حلووووووووووووووه
دمعه
2006, 09:28 AM
ياحبك لحشر روحك ياعطاشا ...

وااااااااالـــم للمداحــــم ""
عطاشا
2006, 07:58 PM
ترى مايدخل بين اثنين الا الشيطان يادمعه وخلك طبيعي واجلس على المدرج وتفرج
يزيد
2006, 12:48 PM
صح إني أدوّر الزله على خالي عطاشا

لكن هالمره الحق معه

المراد ان التميمي علقكم ومشى !!

خخخخ

إلا وش رايك بتوقيع طارق ياخال ؟؟
عطاشا
2006, 12:04 AM
والله ياخال طارق مريض نفسيا ولذلك يوهم نفسه بالتفاؤل

وحاط هالعبارة الفلسفية السقراطية وطبعا له هدف بعيد وما ينقال هنا
روح التميمي
2006, 03:08 PM
التمرة والفصمة


صح يا عطاشا ..

بس مسكناك .. توي أدري إنك منتب فصيمي قصدي قصيمي

أهل القصيم وعنيزة بالذات يا بعدي يقولون (العبسة)

ما يقولون (الفصمة) .. وهي ما فيها شي لغات مختلفة

بس طرحك يزعم إنك من عنيزة ..!!

هههههههههههههههه

تقبل تحياتي
روح التميمي
2006, 03:11 PM
يصلح الفستق يمكن !!!!!!!!!!!


ما شاء الله يا طارق .. وش يقرب لك رافسنجاني ؟

شكلك عايش بإيران كثير .. وحنا وش يدرينا يا بعدي

عن الفستق بأول أمره ؟ حنا ما نعرفه إلى إلى جينا نخشّقه وناكله !

شكرا لمحاولتك الدولية وتقبل تحياتي
روح التميمي
2006, 03:13 PM
اول امره صلفة والبنت رطبه ...... البسره تكون قاسيه بالبدايه والفصمه اللي داخلها لينه شوين
واخر امره رطبة والبنت صلفه ....... لما تتحول البسره لتمره اورطبه تلين اما الفصمه فتقسى
صح علي يالبناخي ؟؟؟؟؟؟؟؟؟

يالبناخي ؟!

وأنا أقول منين هالمرجلة ياغادة ؟!

أثرتس بنت آخي .. يعني تميمية !

إلا صح ونص وثلاثة أرباع

وغلط عليك ياعطاشا

ههههههههههههه
روح التميمي
2006, 02:43 PM
ههههههههههههههههههههههه
ياخي شنوحك انت ظالمن ؟؟
انت ماتسمع بتوارد الخواطر والافكار!!
جايز ان الرمعه اللي جتك جتن صف النيه ياعطاشا ..
عاد تدري !! اصبر لين يجي التميمي ويحلها
اخاف انا وانت كلنا غلط ونتقاضب الحلوق على الفاضي
ههههههههههههههههههههه

جا التميمي وحلها ..!

لكن مادري ليش كل ما قريت هالكلام اللي فوق

يجيني شعور إن تاء التأنيث اللي باسم غادة مفتعلة !!

هههههههههههههههههههههههههههههه