قال روح التميمي (3)

[روح التميمي]

مرحبا بكم مرة أخرى

وهذا لغز جديد .. قال روح التميمي :




أنشدك عن ضيفٍ ثقيـلٍ ومكـروه=يقلب حياتك للشقا عقب الأفـراح
إن جاك شلّك شل وإن قال لك قوه=تمشي معه غصبٍ بمسرى ومرواح




بانتظار تهديفاتكم على المعنى

[روح التميمي]

يا جماعة الخير وش سالفة بعض خيارات التحرير ما تشتغل !!

وأنا أقصد هنا خيار التوسيط للمكتوب .. كما ترون أعلاه

تظهر روابط الخيار دون تنفيذ ..!!

صحيح أن مسألة التوسيط تعمل آليا دون اللجوء إلى الخيار

لكن ذلك يتم في البداية فإذا فُصل بكلام خاضع لتنسيق ما فإن ما تحته

لا تعمل معه آلية التوسيط , بل يبقى في الجانب الأيمن والأعلى في الوسط

ثم إن هنا أمرا غريبا لم أره في جميع المنتديات سوى منتدى الطيار

وهو أنك عندما تفتح على موضوع ما تجد آخر رد و الموضوع الأصلي

تجده في القاع ..!! فأين المسؤول الفني ؟

أرجو معالجة هذه الأوضاع إن وافقتم على رأيي فيها بأسرع وقت

وللجميع تحياتي ..

[عطاشا]

يالله حي الأديب

ياهلا بك وبالغازك الطيبة (اللي خذت منك نكهتها) شطر هجيني

اختر الاجابة الصحيحة :

1ــ النعاس

2 ــ المرض الله لا يجيبه

3 ــ الدين

[روح التميمي]

اختر الاجابة الصحيحة :
1ــ النعاس
2 ــ المرض الله لا يجيبه
3 ــ الدين

هلا بك يا عطاشا ..

وشكرا لكلماتك الرقيقة

أما الجواب فهو للأسف ولا واحد من اللي قلت


حاول مرة ثانية

[عطاشا]

الجاثوم

[روح التميمي]

الجاثوم

ما لك لوا يا عطاشا ..

الجاثوم يجيك وأنت نايم وهذا يجيك وأنت صاحي !


حاول مرة ثانية

[YsOrI]

الظاهر ان اللغز لك ياعطاشا ترمّع على كيفك بزاريين ؟ محلوف عليك الا تحله ؟؟ ذبحتنا تراك يالمسيمري !

[عطاشا]

الخاطوف انطم وتلايص واتركني العب مع التميمي لعبة البس والفار


وش رايك يالتميمي بمؤشر الاسهم الاحمر هههههههههههه

والا اقول لك لغزك غريب واحس ان فيه اكثر من حل يركب عليه

واللغز اللي كذا يصير لغز منسم ههههههههه

وش رايك بالشيب او الروماتزم

مافيه غيري يرمع

[غاده]

السلام عليكم

وكل عااااااااام وانتوا بخير وعساكم من عواده

عطاشا ..

ممكن انافسك شوين؟؟

الهاجوس

او

المصيبه

[طارق]

الحزن ...!!!!!!!!

[روح التميمي]

الظاهر ان اللغز لك ياعطاشا ترمّع على كيفك بزاريين ؟ محلوف عليك الا تحله ؟؟ ذبحتنا تراك يالمسيمري !

طيب ورا ما ترمع أنت يالخاطوف !

وإلا داخل بس تحارش عطاشا ..!

أنتم بهوشاتكم هذي تذكّرونن بشباب الحلة هاك الحين

إلى شافوا سيارة جح جاية قام اثنين منهم يتهاوشون

بوسط الخط وإلى وقف راع الجح وجا يفّكهم

وإلى ربعهم كد نزّلوا نص الجح !!

[روح التميمي]

لغزك غريب واحس ان فيه اكثر من حل يركب عليه
واللغز اللي كذا يصير لغز منسم ههههههههه



اللغز إلى صار يحتمل أكثر من حل ما هوب لغز

ولا هوب منسم بس يا عطاشا .. إلا مبنشر !

وكل الرمعات اللي جبتهن ما يصلحن حل

حاول مرة ثانية ..

[روح التميمي]

السلام عليكم
وكل عااااااااام وانتوا بخير وعساكم من عواده
عطاشا ..
ممكن انافسك شوين؟؟
الهاجوس
او
المصيبه

شوفي الهاجوس .. حولك

بس مهوب كل الهواجيس تقلب الفرح شقا يا غادة

والمصيبة ما يركب عليها البيت الثاني ..

[روح التميمي]

الحزن ...!!!!!!!!

ما لك لوا يا طارق ..

بس حولك ..

[غاده]

اجل الوسوااااااااااااااااااس

[روح التميمي]

اجل الوسوااااااااااااااااااس

ما لك لوا ياغادة

مهوب الوسواس .. دوري غيره

[غاده]

طيب اخررررررررررررررر كلام


الـــفــــــقـــــــــر

[YsOrI]

المشكله بألغازك يالتميمي ان كلش راكب عليهن ولا كل الي قالوا الباب على بالي لا كن هو شي ماقيل ! نبي ندور الي ماقيل .

ملاحظه : المواضيع المشترك بها المسمى بعطاشا مواضيع لاتحرص تتدخله ... لأنه تتصير مثل الذباب اذا طاح بالشي !

[عطاشا]

المشكله بألغازك يالتميمي ان كلش راكب عليهن ولا كل الي قالوا الباب على بالي لا كن هو شي ماقيل ! نبي ندور الي ماقيل .

ملاحظه : المواضيع المشترك بها المسمى بعطاشا مواضيع لاتحرص تتدخله ... لأنه تتصير مثل الذباب اذا طاح بالشي !

ياعدو النجاح
انت ماعندك رمعه ولا موضوع الا تتابع مشاركاتي وتعلق عليها يالوح

[روح التميمي]

طيب اخررررررررررررررر كلام
الـــفــــــقـــــــــر

برضه غلط ياغادة ..

[روح التميمي]

المشكله بألغازك يالتميمي ان كلش راكب عليهن!


مهوب صحيح ..!


ولا كل الي قالوا الباب على بالي لا كن هو شي ماقيل ! نبي ندور الي ماقيل .


ترجموا لنا لو سمحتوا ..!

ملاحظه : المواضيع المشترك بها المسمى بعطاشا مواضيع لاتحرص تتدخله ... لأنه تتصير مثل الذباب اذا طاح بالشي !


عطاشا يفك روحه ..

[hamad ali]

صح السانك على اللغز وقول النسيان وش رايك

[التسيد]

الصداع او وجع الاسنان او البكاء


شكرا وبارك الله فيك

[المنفهق]

اقول الموت
الله يعطيك العافية على اللغز العسر كل شي يركب

[فـهـ التميمي ـد]

الله يشغلك ياروح على هاللغز

صدع راسي وانا ادور الحل

لكن انشاالله لي عوده يابن العم ومعي الحل


تقبل تحياتي

[المحافظ]

اخوي روح يصلح الصداع او اي خبر سيئ