النفـــس طابــت

[ابوسحر]

زينك تغيّر مابقا يعجب العين=لاشان طبعك ويش يِسْوَي جمالك
غيّر جمالك والغلا طبعك الشين=ياليت عمري بالغلا ماقضالك
نجمك توارى وابتدا عنك نجمين=ماعاد والله عن غيابك نسالك
امنوّلٍ يرجيك قلبي وناسين=واليوم قلبي لو تجي ماصفالك
النفس طابت خلّنا مستريحين=أرتاح من هجرك ورجوى وصالك
ياما عطيتك بالهوى وانت جافين =واحط لك عذرٍ وهو ماجرى لك
لاشك غرّك زايد الزين واللين =كن الحلا ماغير عندك لحالك
ياما تشوف العين غيرك مزايين=بالناس مثلك لو تميّز دلالك
تلقى ونا القى من بدالك يسلّين =بدّلتني واليوم غيرك بدالك









محبكم
ابوسحر