الصـــــــــــوره

[ابوسحر]

يازين ماجانا من اول كفانا=الزود يالغالي علينا مضرّه
شفت الجمال اللي بنوره غشانا=مثل القمر غطّا نجوم المجرّه
الرمش بحياض المنيه رمانا=ياويل من ذبّاح رمشك يمرّه
ياعود موزٍ ناهيٍ بالليانا=خَطْرٍ عليه من النسايم تفرّه
والنِّهْد زامي عايفٍ للهوانا=يرمي بثوبك كن ثوبك يحرّه
وقَّفْت قلبي ياعجيب الزمانا=يامرسل الصورة تبيها مبرّه
ياليت ربي شوف عينك عطانا=حقيقةٍ ماهي خيال ومغرّه
ماتبرد الصورة لهايب ظمانا=مثل الرماد اللي بعيني تذرّه
إقْبِل مثل شمس الضحى ياهنانا=للّي يحبك كان ودك تسرّه
الله على يومٍ يجي به لقانا=نبعث مثل ميتٍ ظهر من مقرّه
انت النعيم اللي يبدّل شقانا=تاج الحياة بوجه الايام درّه













محبكم
ابوسحر