ياوجودي

[حمد البادي]

ياوجودي علي حبٍّ يعن القلب له وجد مـن يقـرا بيانـه=عاصبينٍ عيونه والكلبشه فـي يدينـه ورجلينـه جويـده

في حياةٍ عطاها غير مجـذوذ وملذاتـه اعصـورٍ مديـده


منغرف دم قلبه والقوايم مـا تشيلـه ولا ينطـق لسانـه=مامعه حيلةٍ غير الحسوفه والحسوفه تضـره مـا تفيـده



يوم جابوه مديور الكتـاف ويسحبونـه ومكروبٍ بطانـه=واشهر السيف سياف الحدود وقام يبرق على راسه حديده



ذاكرٍ عيلةٍ له مصغرين اكبرهم اللي علي بـاب الحضانـه=مالهـم قيّـمٍ مـن بعـده الا الله والله يفعـل مـا يريـده



يالله اني بجاهك لاتوقفنـي ولا كـل مسلـم فـي مكانـه=ماقف الذل والحقران والموت الحمر قاضبٍ منشب وريـده



قولوا آمين ياللي تسمعوني قولوا آميـن قولهـا بأمانـه=من تعافى يحمد الله ويشكر فضل ربٍّ على شكـره يزيـده



لا عتراضٍ علي دبرتك يامن كوّن الكون ومسيّـر زمانـه=خالق الخلق بنفوسٍ شقيه عبر الاجيال وانفـوسٍ سعيـده



كيف انا اجد بقلبي كل هذا له وهو دالـهٍ يطـرخ عنانـه=ما درى عن معاناتي بالايام القديمه والايام الجديده



كل ما يزهمونه زاد ضغط الدم بعـروق قلبـي وجريانـه=والكريات حمر وبيض تتصادم بدمي لما صـارت عصيـده



ران حبه علي قلبـي ولله در قلـبٍ عـذاب الحـب رانـه=مثل ما ران كفر الحـق بالأيـام بقلـوب كفـار العقيـده



إيه لله دري يوم صبر أيوب ما هو لصبـري ربـع خانـه=أصعب الحب حبٍّ من طرف واحد وكلٍّ معلق فـي بديـده



كل من لامني يلويه لاو الحب حتـى يلخبـط لـه كيانـه=لين يدري ويدرك ويش فرق قلوب تـلاع وقلـوبٍ بليـده



جعل ربٍّ حرمني منه بالدنيا يهيّيـه فـي واسـع جنانـه=في حياةٍ عطاها غير مجـذوذ وملذاتـه اعصـورٍ مديـده






* * *