دار الهوى واندار دولاب الافكار

[ماجدونا]

دار الهوى واندار دولاب الافكار = واندار دولاب الضماير بالافكار
وابديت ما بالصدر قبل التفاكير = والرجل بالمعتاد يبدي له افكار
افكار من كل الروابع تديره = تجاذبن ارياه ودايم تديره
يصبح ويمسي رايته ما تديره = فلا باس يامن بّدل الدار بديار
بديار لاشفت الجفا شدّ عنها = وابعد الى قفت بك الرجل عنها
وليّاك تنشد عقب ما اقفيت عنها = وان عشت به كنك على جال مهيار
مهيار لابد الهبايب تخونه = والعين قلب المودماني تخونه
ما هوب حق ان اومنيك تخونه = الحرمه اقرب ما يقارب لها النار
النار مالك في لظاها تصرف = ان كان لك قلب رشيد تصرف
افتر دولاب الهوى بالتصرف = لا ضاق بك ميه وتسعين معبار
معبار طراد الهوى يلتفت له = ومحمل نفسه ولا يللتفت له
وايامها لو ساعفت والتفت له = لابد ما تجر المعرفه بالانكار
انكارها ما بين ليله ومصباح = ولا ينجزع لو بعّد الدار مصباح
كل الدروب الها دليل ومصباح = ولا ينجزع من دبرة الله والاقدار
اقدار خانت من يخدم البخت له = احد تجيه جهار و احد بختله
لو قلطت زلّ العجم والبخت له = ورزّت له اعلام المعرفه بالامصار
امصارها والروم والعرب والترك = وان شفت ما ترك ترا ضده الترك
واجز المصد والترك بالترك = وخف يوم تكشيف السراير والاستار
استار فك اوسار ساعه وساعه = ودنيا تقضّى كنها ربع ساعه
واللي شرب من هجرها سم ساعه = يصبر على ما صاب نفسه وما صار
ما صار شي او لا ارتحل مثل ما جا = ما جت صروف الوقت والوقت ماجا
وانا اتحرا جيته مير ما جا = وغديت انا والوقت ليفه ومسمار
مسمار لو لزيت ما له ملزا = ولا لك على اللي ما يريدك ملزا
يقوله اللي ما لقا له ملزا = مقدار يوم وكل شي بمقدار
مقدار جرح مهذب وصل حدّه = همّه وهاجوسه على الضيق حدّه
وصبرت مير الصبر يل بعد حده = كنه مذاق الصبر من بد الاشجار
اشجار مختلف الثمر والنبانيب = وهافت من اطراف الشباب النبانيب
وغنا الحمام بناعمات النبانيب = وجاوبت من هجر النيا ورق الاطيار
اطيار يا من ذكرنّه عشيره = اللي فواده ما بقى الا عشيره
والى تذكر له بلاد وعشيره = يضرب على خيرات قلبه ةيختار
يختار من همه يظيمه الحاله = ومن العنا يمشي فريد الحاله
ولا احد يجي له من يناظر الحاله = بس الونين معامله سر وجهار
اجهار ما يطري على القلب جابه = ولا هوب يعطي صاحب العذل جابه
ليت الهبوب اللي خذا العلم جابه = اما بزرف القلب والا بالاسطار