يا بوش وش حدّك على حرب الأفغان

[روح التميمي]

يا بوش وش حدّك على حرب الأفغان=بديار تجهلها وتجهل باهلها

قوم بهم صبر وبهم قوة إيمان=للخالق اللي كل خلقه كفلها

تريد ابن لادن تقدّم ببرهان=يثبت ضلوعه والجريمة فعلها

ماهوب إلى فاجاك يابوش عدوان=أخفيتوا الدعوى وجبتوا بدلها

لو ينفجر شرق الفلبين بركان=قلتوا ابن لادن هو اللي عملها

معقول ابن لادن يحوس المريكان=وهو لحاله مسكنه في جبلها!

رجل حياته بين مسجد وقرآن=ما هوب مثلك بين دسكو وملهى

يابوش درت اسمك وخلوك تعبان=وأنته تحسب إنك بحسبة بطلها

يتّمت بزران ورمّلت نسوان=قامت تندد من فعولك دولها

ولا سلم منها شباب وشيبان = أقهرك بالله شغلتك من شغلها

حطّيتوا الإرهاب عِلثه علشان=ما يِنتقد جيشٍ بدار وصلها

لاجل المصالح طز بحقوق الإنسان=وِكْلت ولا به غيرك أحدٍ أكلها!