الله من ونةٍ جريتها ما حدٍ فطن لي

[روح التميمي]

الله من ونةٍ جريتها ما حدٍ فطن لي = تحزّ باقصى الضمير وجاحدٍ اربع ليالي

اشوف شي يغيض النفس واقول متسلي = ما ودي ابدي سريرة خاطري يفكر بحالي

كني مريض ثلاث سنين من زود التغلي = يالله انا أرجيك يا منشي مراهيش الخيالي

تصخر وليف غرير بالتغلي قاضي لي = أظهر علي نجوم القايله واعزتالي

ليت المصيبه من اقصى الناس ما هي من محلي = اشوى ولا علةٍ تبدى من العرق الموالي

كان ان شفّك بغيري يا حياة الروح قلي = انت المخير وانا حقك علي اطوي حبالي

من باعني بالرخا بعته عسى قربه يولي = والله ما غلي هنوف عندها مانيب غالي

والله فلا يطرد المقفين رجل يستدلي = خلك بفالك يا صاحبي وانا خلن بفالي