سلام يالغالين

[حمد البادي]

سلام يالغالين.ربع وعواني.سلام يالغالين=من خاطرٍ صافي.وقلبٍ مودي.من خاطرٍ صافي

ياهل عنيزه وين.رد المعاني.ياهل عنيزه وين=المنتدى طافي .ولا هوب ودي.المنتدى طافى

[(الذيب)]

السلام عليكم ورحمة الله وبركاته
نبارك للاخوان افتتاح الموقع وعساكم على القوه..وعاداتكم ياهل الفيحا
وبالتوفيق

وشلونك يابو عزيز ياهلا بك.. والله لقيت الوسيمه قلت والله ماخليها بلا رد
صح لسانك



يامرحبا واهلين..حنا خواني.يامرحبا واهلين=ماقفك ميقافي.على كل ضدي.ماقفك ميقافي
وقف على الثنتين..واخذ العناني..وقف على الثنتين=النور ينشافي.تمد ونمدي..النور ينشافي

[حمد البادي]

هلا والله ابو...... وصح السانك




ينعق غراب البين.فوق المباني.ينعق غراب البين=والحال متعافي.ولا مال شدي.والحال متعافي

وان تحرث أم اقرين.حد السناني.ون تحرث أم اقرين=السم غريافي.ولا منه بدي.السم غريافي

[(الذيب)]

صح لسانك..يابوعزيز


حيه على الجنبين..ناب ولساني..حيه على الجنبين=يالله ياكافي..عليها تشدي..يالله ياكافي
كلمته ماتعنين..رخوالاذاني..كلمته ماتعنين=في راس مشرافي..عيونه تلدي..في راس مشرافي

[حمد البادي]

من فوقها السكين . على الجراني . من فوقها السكين=واللعب وقافي . ماهو هزل جدي . واللعب وقافي

واشيب رمش العين . من هالزماني . واشيب رمش العين=يسفي به السافي . على كل عدي . يسفي به السافي

[(الذيب)]

ياعنك ماتوحين..يالترجماني..ياعنك ماتوحين=مامعك كشافي..علامك مصدي..مامعك كشافي
افهم علومي زين..يامودماني..افهم علومي زين=للصرف صرافي..ودنياك كدي..للصرف صرافي

[حمد البادي]

من يطرد المقفين . يلقى الهواني . من يطرد المقفين=علمٍ ماهو خافي . ولا باح سدي . علمٍ ماهو خافي

حللت حمض الجين . والعلم باني . حللت حمض الجين=وجه السنه جافي . وفي امتردي . وجه السنه جافي

[(الذيب)]

صح لسانك


انته تبي تشقين..باول وثاني..انته تبي تشقين=اسرارواعرافي..وهرجه يسدي..اسرار واعرافي

ياهل البلد مغدين..هاك الحصاني..ياهل البلد مغدين=لابد مانافي..وذاسلم جدي..لابد مانافي

[حمد البادي]

عشرك يابن جبرين . صارت ثماني . عشرك يابن جبرين=عشرتك تنعافي . ووجهك ملدي . عشرتك تنعافي

ياحقل يابو تين . يملا الجفاني . ياحقل يابو تين=رجلك وميهافي . ومركب يودي . رجلك وميهافي

[(الذيب)]

لايالع البنزين..بالخيزراني..لايالع البنزين=ارباع وانصافي..بنيت وتهدي..ارباع وانصافي

ياللي ركبك الدين..والحيل واني..ياللي ركبك الدين=يليت تستافي...ولااديت تدي..يليت تستافي

[المستمع]

بالهـــــون يا ســــارين راع العــــــنــــــانــــي بالهــــون يا ســـــاريـــــن

.................................. ســــتـــــر الله الضــــافـــــي عــــلـــى كـــــل مـــدي ســــتـــر الله الـــضـــافــــي

اشـــتـــقـــت للـــمـــاشــيـــن هـــذا بيــــاني اشتـــقـــت للـــمـــاشــيـــن

................................لو القـــــدم حـــــافي ما بيـــحـــت وتـــــبي تجــــــرهــــدي لــــو القـــدم حــــافي

[حمد البادي]

على القسى واللين . وقتي رباني . على القسى واللين=لا تهز الأكتافي . وحدك وحدي . لا تهز الأكتافي

ما اخمنه تخمين . علمٍ ضماني . ماخمنه تخمين=لو القدم حافي . الى جا التحدي . لو القدم حافي

[(الذيب)]

ياربعنا مخطين..قاصي وداني..ياربعنا مخطين=للعلم عرافي..مشدك مشدي..للعلم عرافي

مير انت جيت امنين..مامنك اماني..مير انت جيت امنين=بالخير يالافي..عساك متغدي..بالخير يالافي

[حمد البادي]

ملفي وبوه إجفين . حسب المياني . ملفي وابوه إجفين=من ناسٍ اشرافي . قدوده وقدي . من ناسٍ اشرافي

يا ملاعب الحبلين . والروجحاني . ياملاعب الحبلين=الباب متجافي . ومن جا يعدي . الباب متجافي

[حمد البادي]

صح السانك يابو.................ههههههههههههه


وليلةٍ مباركه . وعن اذنك .وتصبح على خير

[(الذيب)]

الله عليك يعين..يالقلباني..الله عليك يعين=امور وخلافي..شوي وتهدي..اموروخلافي

في كفي المرتين..والشيشخاني..في كفي المرتين=نسعا ونطافي..لها مستعدي..نسعا ونطافي
وبيض الله وجهك ماقصرت ونتشرف باللعب معك يابو عزيز
وابيك تسمح لي ابارقد ولنا لقاء ان شاء الله ..لك خالص شكري وتقديري
وتصبح على خير

[صاهود]

الله يعطيكم العافيه

[حمد البادي]

ويعافيك.. يا صاهود .. تسلم

[ابو سراج]

الله يعطيكوم الف عافيه