سلام يارمش ٍ به الموت منصوب

[روح التميمي]

سلام يارمش ٍ به الموت منصوب = فيه الـفـنا لاهل القلوب التوايق
عز الله اني منه مخطر ومرعوب = واني عذابه طول الايام ذايـق
يا مـا الى من جيت صـامل وباتـوب = عيّت على اعيون بعض الخلايق
وامسيت باسهوم الحجاجين مضروب = تـقـول طـير ٍ قــاضبته العلايـق
البس من اهموم الولع لبسي الثوب = وادير فكري بين غايب وفايـق
والكبد به يـقلـب مثل فا يـح الشـوب = عـدوا بقـالـي من حيـاتي دقـايـق
فـدوة عـيـون ٍ به من السحر مسـكـوب = تنثر هدبهـا ضـافي ٍ وامتـضايـق
فيـهـا كلام ٍ للولـع غير مكتـوب = يخضـع وليـع القلـب ببـلا وثـايـق
تنـدار لـه عيني تبي شوف عـذروب = والقى بدال العيب زين لـحـايق
يـا مـا جمـاله نـافل ٍ كـل رعبـوب = سبع العجـايب في جمـاله طـرايـق
وشلون حيلة واحـد ٍ منك مكروب = يـا موادع قلب المولع حـرايـق
لا صرت أبيك وعندك القلـب مسلـوب = ومع حاجـتي بك لي عن الشوف عـايـق
مـا غير أدير الراي والراي منهوب = مـتحـِّيـر ٍ بين الغلط والحقايـق
ان كـان لـي عندك مـوده ومـاجـوب = افـرج لـقلب ٍ للهوى غير طـايـق
والاَّ تكرم وانعش الروح من ذنوب = ريـق ٍ عن ذنوب العسل صـار فـايـق
وحــده من الثنتين غـايـه ومطلوب = امــا وصـل والا َّ فـراق وعتـايق

[ابوسحر]

كل الشكر لك روح التميمي لما تقدمه في هذا المنتدى


واظن ان القصيده اسمها " سبع العجايب "





لك شكري وتقديري







محبكم
ابوسحر

[روح التميمي]

واظن ان القصيده اسمها " سبع العجايب "



شكرا لك أخي الكريم أبو سحر

على مشاعرك الرقيقة .. وكلماتك المشجعة

والقصيدة كما تفضلت عنوانها في الديوان (سبع العجايب)

لكني آثرت عنونة القصائد بالشطر الأول من مطالعها

مجاراة للرواة السابقين أمثال الربيعي وغيره ..

وأظن أن هذا الأسلوب يخدم القارىء والباحث أكثر من

العناوين المقتبسة من تعبيرات وردت في القصيدة

شكرا لتنبيهك .. وشكرا لتواصلك ونحن وإياك عضوان

في فريق واحد , هدفه تقديم خدمة لعنيزة وللأدب

وأنت السابق في هذا المجال ..

تقبل تحياتي وتقديري