سـلام يـا ريـم ٍ وصـوفـه تـعـاجيب

[روح التميمي]

سـلام يـا ريـم ٍ وصـوفـه تـعـاجيب = عقبه وانـا مثل المريض مترادي
من لـوعتـه ما ظن أبرى ولا طيب = أول غـديـت وتـالـي الوقـت غـادي
يـا مـا تـلقـيت العنـا والمصـاعـيـب = ويا مـا صبرت ولا تـهــيــَّا مـرادي
امشـي طريق ٍ فيـه لـوعـه وتعـذيب = مـا هـوب ودي لـو بذلت اجـتهـادي
مجبـور من شـان العيون المـهـاديب = اصبر ولو طـال العنـا والنكـادي
يـاريـف قـلـبي يـا جميع المـطـالـيب = يانور عيني يـا شرابي وزادي
ارفق بـقـلـب ٍ مـا هـنته المشاريب = راحـت حيـاتـه بـالرجـاء مـا استفـادي
ان كـان مـا بـك فـزعـة ٍ للمصـاويب = على الردى بي لا تـزيـد القيادي
اصرف عـيـون ٍ ضـاريـات المضاريب = الموت فيهن مختلط بالسوادي
انـا بجيرة عـالم السـر والغـيب = اللي جرى منهن كفـاني وزادي
لا عـاد مـالي في وصالك مقاضيب = محروم من وصلك طليق الايـادي
لا مـدرك ٍ غـاية ولا دركت تجنيب = لا جيت اجنـّب لي بعينك منـادي
سـحـر ٍ بعينك ما يطــرَّا ولا جيب = مثلـه ولا يذكر بكل البلادي
ما شـفت نسيانـك بكل التجـاريب = من دون حـبك ما حدا النفس حـادي
ابعد علي مْن النجـوم المـراقيب = وصلك ونسيـانك لـوصلك مقـادي
بي ولـعـة ٍ بك مـا بـرت با لتطـابيب = رسـومـهـا في كـل يـوم ٍ جدادي
الشاهد الله يـا عـديـم العذاريب = انك بروحـي مـاكن ٍ وامتمـادي
وين المطير اللي يفك المناشيب = يـا شيب من راحت حياته نـفـادي
عليك يـا سيد البنات الرعابيب = اشيل قـلـب ٍ في ضميري رمـادي
اتبع هوى نفسـك واعد المكـاسيب = وارضى عذابي كان كسبك وكادي
معطيك من روحي جميع المواجيب = لو كان من حـالي يجيك السدادي
لا شك مالك في عنـا الروح تطـريب = وراك ما تقصر طويل العنادي
تبري جـروح ٍ بالضـمـاير معـاطيب = وارجـى عسى شوفك قريب المعادي