الليله الملعبه موال والذيب وين

[حمد البادي]

الليله الملعبه موال والذيب وين

اللي يدل المساري من يسار ويمين

العب عساني ماعدمك نت ولا صفوف

الله يسهل تلاقينا سريع المدد



العب عساني ماعدمك نت ولا صفوف=الله يسهل تلاقينا سريع المدد



حرام ياللي على صدرك كبير الوسام

تصير خلف الكواليس ايه والله حرام

ما يتقي بالمذاري غير روس الضعوف

ولا انت صقرٍ نداوي في نهار الهدد



ما يتقي بالمذاري غير روس الضعوف=ولا انت صقرٍ نداوي في نهار الهدد

[صاهود]

الله الله ياسلام صح لسانك يابوعزيز

[(الذيب)]

مساكم بالخير يالربع..صح لسانك يابوعزيز


الليله الملعبه منها يبين الفطين=يالشاعر اللي مع الايام دنيا ودين
انته على كورها سقها وعينك تشوف=بنت الهوا لبسوها بالثياب الجدد

هذ
انته على كورها سقها وعينك تشوف=بنت الهوا لبسوها بالثياب الجدد
هذي سياسه لها يابوعزيز نظام=اصبر لما انهي طوافي ثم اطش الحرام
اشكرك شكراً جزيلاً يابعيد الشفوف=سهيل باقي عليه ايام حسب العدد
اشكرك شكراً جزيلاً يابعيد الشفوف=سهيل باقي عليه ايام حسب العدد
والمعذره الظاهر انك شفت اسمي وتحسبني موجود وانا البارح ناسي ماسويت خروج

[علي الخطيب]

صح لسانكم يا جماعة

لا زلنا منتظرين رد ابو عزيز :)

[حمد البادي]

صبحكم الله بالخير

البارح انتظرتكم حتى الساعه 11.15 وكنت تعبان ورحت انا م

لكن صح السانك يالمبدع والله ..ياذيبنا




الشطر الاول من الموال واللي يليه

مواقفه حرةٍ تختار له ماتبيه

والثيرد والفور فيهن إلتزام الحروف

مافيه غير ا لتزام الأوف . ولا الأدد



والثيرد والفور فيهن إلتزام الحروف=مافيه غير التزام الأوف . ولا الأدد





العمر ماباقيٍ بالعمر غير القليل

واحلى النهار اوله قدام وقت المقيل

قدام لا يلحق الخاطر كثير الحسوف

الوعد دينٍ ولا تطول علينا الوعد




قدام لا يلحق الخاطر كثير الحسوف=الوعد دينٍ ولا تطول علينا الوعد

[(الذيب)]

صح لسانك يابوعزيز..وما تشوف شر..معذور.البارح تأخرت صار عندي شوي شغل وحياك الله


عزالله انك تبي تصبح معلم لغه=ياشاعرن مايحلا غير بالنابغه
دام القمر في سماها ماحصل له كسوف= يابوعزيز ترا هاذي ليال السعد


دام القمر في سماها ماحصل له كسوف=يابوعزيز ترا هاذي ليال السعد
باقي ليالي ويبدي لك سهيل الجنوب=واليا بدا كذب العداد من كل صوب
انا عطيتك وعد ياللي تمد الكفوف=والله على اللي عطيتك يالبنادم شهد
انا عطيتك وعد ياللي تمد الكفوف=والله على اللي عطيتك يالبنادم شهد

[حمد البادي]

صبحك الله بالخير ياذيبنا

توي ساري من ربعٍ مسير عليهم ولا بغيت انا م الا اشوف ردك اول

صح السانك ولا عليك زود ياذيب الغداري




اللي يحاول حصاة ارداح جاه الشلل

بآئت جميع النوايا والخطط بالفشل

قامت تطلق يدينه وارتخن الكتوف

وان عاش للسبت ما يلحق نهار الأحد




قامت تطلق يدينه وارتخن الكتوف=وان عاش للسبت ما يلحق نهار الأحد



ساحت مكاييج وجه القبح واصبح قبيح

دلاٌ صميل الصرا ينضح صراته نضيح

لكن من يقنع اللي يضربون الدفوف

ما غيرك انته وانا حلٍ بهذا البلد




لكن من يقنع اللي يضربون الدفوف= ما غيرك انته وانا حلٍ بهذا البلد

[راعي الرديه]

والله لعبن عدل
وانا توني جاي قلت ابمسك صف قبل العب

[(الذيب)]

أسف للتاخير هاليومين ماحصل لي اطلع ..وصح لسانك



ليته ثبت عنتره عند احتدام المجال= وقف بشلفاه دون اعمامته والعقال
واللي على كورها مايلتفت للردوف=دنياك هذي تبي صبر وحساب وجهد

واللي على كورها مايلتفت للردوف=دنياك هذي تبي صبر وحساب وجهد


يمكن تبي تكشف الايام علمن جديد=اما على النت والاعبر ساع البريد
القوم ما تعترف بمحنيين السيوف=وشلون ابا اقنع عقول امجيمه ياحمد

القوم ماتعترف بمحنيين السيوف=وشلون اباقنع عقول امجيمه ياحمد