صاهود هات البطاقه واصعد الريل

[(الذيب)]

السلام عليكم


صاهود هات البطاقه واصعد الريل= التذكره جتك مجاني هديه
نبي نسافر على بغداد واربيل=ناخذ بحارتها روحه وجيه

[صاهود]

صح لسانك



يالله توكل على الله بوال اليل == خابرك تعطي عطا نفسٍ رضيه

هات التذاكر مشينا لرياجيل == انا تشيلن على الدين الحميه

[(الذيب)]

صح لسانك


مادري تقوله غشامه يازهر الذيل= ترا الغشيم اذبحه بالنافعيه
الظاهر انك من اللي يرغب النيل=يرعبك بالليل حس البندقيه

[صاهود]

صح لسانك ههههههههههه


لامالت النفس يمه ليه ماميل = الحج ركنٍ بشرط المقدريه


حنى بيوم الرخاء دباحة الحيل = ويوم الدخن صاحبك نفسه جريه

[(الذيب)]

صح لسانك


صاهود ماصنفه ضمن الحلاحيل=دامه مسير على امر الداخليه
هين تقوله بعد ماكفت الخيل= دامك بحضن الهنوف العسوجيه

[صاهود]

صح لسانك ههههههههههه


كب السوالف ترا مابه تفاصيل = مير انت وش لون حالك يالبليه

خطرن على العين لو نديت بالميل= انته تحقق وانا نفسي بريه

[صاهود]

صح لسانك ههههههههههه

[(الذيب)]

صح لسانك


انا لزمت الخطام اولاا نقص الكيل= امشي بفكري على هاذي وذيه
ماغير ابامزح معك واحط واشيل=لكن بالله لاتزعل عليه

وحط ردك وبعدها
استأذنك انت والربع ودنا نرقد وتصبح على خير

[صاهود]

ياشين مزحك عواقيبه ولاويل = والنفس يمك على طول ابرحيه

ماشفت خرزه يصوت فوق برميل = مايدري اني على ضهر العبيه


تصبح على خير وبيض الله وجهك

[ياسر التميمي]

بيض الله وجيهكم .. ياسلام

[صاهود]

وجهك ابيض يا شاعر عنيزه

ونشكر مرورك