لاغاب نجم الجدي

[(الذيب)]

السلام عليكم ورحمة الله


لاغاب نجم الجدي يطلع سهيل ابسماه=اسهيل موجب حساب الوقت هذااشهره
الليله الملعبه بنتن يشوق حلاه=تنقض شعرها تهز النهد ومعطره

[حمد البادي]

وعليكم السلام ورحمة الله وبركاته




الجدي وسهيل بالمسرا هداة السراه=والحي مرزوق ولا الميت بالمقبره

ياذيب ياذيبنا اللي ما لحقنا مداه=امفتل العضد والذرعان من يقدره

[صاهود]

صح لسانك يالذيب وصح لسانك ابو عزيز

عاشو ياسلام

[(الذيب)]

الله الله صح لسانك يابوعزيز واكرر اسفي على الانقطاع


مايظهر الدلو من جماتها الا رشاه= والهندسه فن بالفرجار والمسطره
عزالله انه شهاده منك حلون نباه=لوالجمل مابعد للحمل شد اظهره

[حمد البادي]

الله الله وصح السانك ومعذور طال عمرك وتوي داخل النت بعد ما صليت


الى متى ننتظر وجه الزمان وقفاه= ما باقيٍ بالزمان الشين غير اقشره

ان كان مالله هدى المسلم فلا احدٍ هداه=تعٌبت رجلي بكثر المشي والمشوره

[(الذيب)]

صح لسانك


الظاهر انك ولدت اولا حبيت بثراه=مصير الايام نجمن بالسما تظهره
مالله مخيب تعب رجلن نصاه ورجاه=وانا افتكر بالنبي ايوب يامصبره

[حمد البادي]

صح بدنك



البير نعرفه يالصاحب ونعرف غطاه= ياقافل الباب بالمزلاج والسكره

واضن راع العباه اقفى بليا عباه=فالنزع الأخير مدري فآخر الغرغره

[(الذيب)]

صح لسانك يابوعزيز

اسمعت حيً ليا ناديت ماقال هاه=ومابين قوسين باق البيت ومشفره
خل الفلاحه بقاعً ماينومسك ماه=ماهوب موفيك يارجال غير اغبره

[حمد البادي]

صح بدنك




والله لصير في حلقك سواة الشراه=مانيب عظمٍ هزيلٍ في يدك تكسره

انا ليا شبت الهيجاء ودارت رحاه=أرسي ولا هسترتبي شلة الهستره

[(الذيب)]

صح لسانك يابوعزيز


من يتبع المخطيه مالله محقق مناه=ولالي من الهرجه اللي ماتجيب اثمره
ماحدن معذربك مير الوقت يفتل رشاه=ياقرب باكر لرجالن يبي ينظره

[حمد البادي]

صح بدنك




ماغير لله تسجد فوق الأرض الجباه=مالي ومال الهروج وكثرة الدندره

موسى نبيٍ وتبطل كل سحرٍ عصاه=ما يخذل الله من بَنْصِرهْ بل ينصره

[(الذيب)]

الله الله صح لسانك


وش حظك امن الكتاب اللي بعيد صداه= اللي به التقنيه بالحيل متطوره
هذاك موسى النبي مانتب على مستواه=حاول لو ان الجمل ماظنتي تنحره

[حمد البادي]

صح بدنك

ياذيب الغداري




ياذيب مانيب انا ورعٍ بسن السفاه=كبرت عن لعبة الجهٌال والمبزره

خليتها للضعوف اللي تسحب خطاه=اللي كما الحمر ون فرٌت من القسوره

[(الذيب)]

صح لسانك


مع الجماعه ياليتك ماتخل الصلاه=والاجر مع الجماعه والاله اشكره
البنت عن راعي الفزعات ماله غناه=من دونها من تراخى جعل ياتي اخبره

[حمد البادي]

صح بدنك




انا ادري الله من فوق الجماعه يداه=علٌم بها اللي يهز الراس ويدهدره

والبنت في سترنا كان الكلام انحماه=وحبالها في يد ابن العم ومحجره

[(الذيب)]

الله الله صح لسانك...شاعر انا اشهد لو انك بغنى عن شهادتي


انا معك لو تبي نمسح جبال السراه= ترا الحميه بدمي مااقبل المسخره
ماقلته الا مجرد نلفت الانتباه=والنعم بك وابن عمك كلكم مفخره