ماشوف إسمكم

[حمد البادي]

ماشوف إسمكم ياروح روح التميمي ليه=عسى ما حصل تغيير في بعض الاحوالي

افك الجهاز ادور اسمك وردٌ أطفيه=لو المنتدى مليان من دونكم خالي

[ياسر التميمي]

فعلا ماله ظهور من اسبوع تقريباً ... عسى المانع خير بس ..


الف شكر يابو عزيز .

[(الذيب)]

السلام عليكم..صح لسانك يابوعزيز..واسف على الانقطاع لبعض الظروف
واسمح لي ابارد


معه حجته من راح والوقت فيه وفيه=ولانفقد الا الصاحب الطيب الغالي
علامك نقصت الكيل والوزن ماتوفيه=الى غاب نجمن يبدي انجوم وهلالي

[حمد البادي]

هلابك والله يالذيب

هلابك ياجمل المحامل




نديمٍ ويغليني وانا بالزمان اغليه=وله في صميم القلب مرتع ومنزالي

ننشدك عن سر الليالي ولا تبديه=تحسب اننا ما نعرف المر والحالي

[(الذيب)]

صح لسانك يابوعزيز


عسا الله مايفرق مابين الاخو واخيه=وتبقى المحبه بينكم جيل واجيالي
علامك حرفت القاف والعلم ماتبديه=ابادمح خطاك ابحال ياطيب الفالي

[صاهود]

ياسلام عاشو

صح لسانك ابو عزيز صح لسانك الذيب

[علي الخطيب]

صح لسانكم جميع

والله يرد روح التميمي ان شاء الله ونسمع اخباره قريب!

[حمد البادي]

الأخوه

شاعر عنيزه

صاهود

علي الخطيب

حياكم الله وليتنا نتواجد في وقت واحد لكن يبدو ان اقتراح رسالة الجوال ما لقت صدى

علي العموم مشكورين علي مداخلاتكم الجميله ولا عدمناكم

صح لسانك ياذيب الغداري




وش اللي تقول اليوم ياذيب وش تطريه=هذاك العور يبقى لمى يذن التالي

ومن لا يعرف الصقر ياذيبنا يشويه=تلوم وعليك اللوم وارجع للامثال

[(الذيب)]

صح لسانك


طريق لك الله ماعرفناه مانمشيه=بعد حال دون الظلع عجات وخيالي
ترا مانت لاقي بالجمل علةً توذيه= ولكن ودك بالرجاجيل تحتالي

[حمد البادي]

صح بدنك طال عمرك




ياكثر العباد التايهه وسط واد التيه=لهم كم عامٍ فيه والسيل ما سالي

ياذيبٍ تجر الصوت والخير ما تحريه=بعظمك غرسنا الناب والدم شلاالي

[(الذيب)]

صح لسانك


بعد مابنو لك مجلس اللعب والترفيه=تبي تسرج المهره على العم والخالي
يجر العوا سرحان لكن ماتوحيه=متى نابتً لك ناب وملبًس الشالي

[حمد البادي]

صح بدنك




ياعلمٍ بصدري لوٌ اقوله يابو كرنيه=لتفغر فويهك بين الأقفاء والأقبالي

لكني ولد رجلٍ على المرجله رابيه=ولاني على غرٌات الأجواد ختٌالي

[(الذيب)]

صح لسانك..ههههههه الله يقطع شيطانك


ياعلم بصدري لو اقوله نبي ننهيه= ولكن اجامل من بناخيه عقالي
اجل وش تسمي ماتسويه وتسويه=ولوقضبوك اخطامها طقت الجالي
ترا كله مزوح يابوعزيز

[حمد البادي]

صح بدنك..هههههههههه

لا يهمك..دوووس..حط رجلك




قريب الحضايا وش يزعله وش يرضيه=ماني للدبر تحت الوبر فالزمن طالي

ما جالك متينه فالبدايات والتنبيه=وهداج تيماء يزعج الجم زلاالي

[(الذيب)]

صح لسانك..فسقان ابن بادي


ليا صار دمه من دمي مانويت اشقيه=لوان الولد ماجاء معي شرب فنجالي
متينك نرده في فمك لو ماقلت ايه=وازيدك بعدمن خلف وتصير رجالي

[حمد البادي]

علامه ترادا الوضع يالله لا ترديه=تضيع المعرفه بين كِفٌهْ ومثقالي

ضربنا مثل واللي عنيتوه ما نعنيه=وبعض الحمول اثقال ماهيب تنشالي

[(الذيب)]

صح لسانك


رماني بعوجا صاحبي مير وش يبكيه= عطيتك على ماكلت واوفيت مكيالي
كلامك على غيري اذا ودك اتمشيه=عسا والديك ابجنة الخلد نزالي