غرتني الكشخة

[روح التميمي]

البارحة والهم والضيقة علـى البـال الوسيـع=اشره على الدنيا ومالـي حـق فـوق سنينهـا
لكنّ من باب المصيبة جيـت والفعـل الشنيـع=والنفس ماكانت بخير من الزمـن فـي حينهـا
لكنّ مقيوله زمـان إن طبلـت جاتـك جميـع=ولادون مسك الحلـق غيـر لسانهـا ويدينهـا
سر ياقلم فوق الورق كنّك على الخط السريـع=ابيـات شعـرً فالمواقـف والخطـر حاسينهـا
ماهمّني عبدالسميع اليـا انتخـى بابـن اللميـع=الشلـه اللـي ماتعـرف يسـارهـا ويمينـهـا
حسبي على ايامً مضت وليال سجـات الربيـع=ماكنـت احسبهـا عـدل وعقولنـا معطينـهـا
لو ترجع الايام حطيت الخبـل عنـد الوضيـع=مدحتها واليـوم ابـا ارجـع فوقهـا واهينهـا
يطيع ولاّ عمـر ابـوه وعمـر جـده لايطيـع=نقلـب عليـه الطاولـه ودروبـنـا ماشينـهـا
ناسً على الخوة تبا تشـري ولـن زادت تبيـع=الله واكبـر ماعرفنـا كيـف نصـرف دينهـا
غرتني الكشخة من البسام فـي ثـوب الجديـع=تضحك على دقـون الاودام والعـرب لاقينهـا
شفت الخيانه فاليهود وشفـت فالسلطـة قريـع=واشره على محمود بن عبـاس كيـف يعينهـا
العقل ساس المشكله بيـن الرشـاده والرضيـع=واليا استوت تتسوي مـن زينهـا فـي شينهـا
اليا احترك قال الشجيع .. اليا سكت قلنا الشجيع=استغفـر الله والليـال السـود حالـت بينـهـا
احرص على الرفقه الياصارت كما السد المنيع=ماهزها اللـي تنقـش الحنـا وتكحـل عينهـا
الخوّه الخوّه مع اهل الفكـر والـذوق الرفيـع=ديـنً عليّـه فالزمـن ملـزوم اسـدد دينـهـا
واضح ولي منهج ولي سكة ولـي ربً شفيـع=قدمتهـا ياصاحبـي واليـوم لــك عابينـهـا