الوسيمه ياهل الفيحاء

[ابوفارس]

مساكم الله بالخير ياهل الفيحاء

يقول اللي يبى يلعب على هالطرق وفنونه
................................. سلام الله عليكم والوسيمه للي يبغيها
دخلنا امنتدى الفيحاء وقلبي شاف بعيونه
................................. ...رجالٍ تقبل الكيله من الكيال وتوفيها

:19: :19: :19:

[ابو طخ طيخ]

هلا يامرحبا بالفارس الي يشعب الحونه
........................... وجوبً لضيوف اقف ورحبه وحييــــــــــــــها
بدارً للمسير ما خبرناهم يردونـــــــــــــه
........................... على ما تشتهي سقها ليامن صرت راعيها

[ابوفارس]

تسلم يابو طخ طيخ وذكرتنا بالهجن على اهاالاسم:29:

دخلت وشفتلي ذيبٍ على ماشوف يهينونه
.............................. بعد هاك الرجوم الذيب يسرح في مراعيها
صحيح انه تبيلي بعد ماشفت مضمونه
................................ ابيك اتفسر النظره وبي تشرح معانيها:58:

[ابو طخ طيخ]

حياك وينك وسمت ورحت الله يهاديك

عجيب الي تقوله يالمغني كيف ترمونه
.......................... وثمن هرجتك من قبل يارجال ترميــــها
وذيبً شفت مفعوله ببو عرام وردونـه
.......................... حدا بعض العرب وظهرلنا باقي مخازيها

[فـهـ التميمي ـد]

ابو فارس وابو طخ طيخ

العبوووو وحنا ماسكين الصفوف لكم


الليل الليل يابو فارس

[ابوفارس]

ياخوي لي فتره ادخل المنتدى ويعلق .عجزت ادخل

استلم ياطويل العمر


ترفق لاتعجب والعرب ترمي على هونه
.......................... وانا لامن بغيت ارمي على الشارات اقديها
والاياطيب ذاك الذيب اذا من طير اعيونه
.......................... على ماقالو اهل العرف مايلحق مواطيها

[ابو طخ طيخ]

صح لسانك يطويل العمر
على ما تشتهي والحق ما تقدر تجارونه
........................ تعلا المركز العالي وكم عينً مشقيها
اخير امن الذي عند العرب ينفخ ببالونه
....................... ولا جا الجد بالميقاف ما فكت علابيها

[ابوفارس]

سيبوها يااااا ابو طخ طيخ وتسلم

اانا ماقلت خصملي وراسي عارف امتونه
.................. حرامٍ ذيبنا المحسوب يطمن عقب عاليها
والا ياحليل من تقصد ولو يبعد عن ضعونه
................. اشوفه مسرجن خيله وذا مرخي باذانيها

[Almo0or3b]

صـح لسآنكم علــى المسآآجله الجميـــــــــــــــله..

يعطيـكم العـآفيه ومآقصرتوو..