مرثية مساعد الغزي وعبدالعزيز البادي رحمهما الله

[فـهـ التميمي ـد]

(راحت سواليفهم مع فلان وفلان)

في الساعه التاسعه من صباح يوم الخميس الموافق 19/2/1402هـ انتقل الى رحمة الله كل من الشاعرين الكبيرين عبدالعزيز بن حمد البادي ومساعد الجارالله الغزي ,على اثر حادث مؤلم في طريق الرياض القصيم . رحمهم الله وأسكنهم فسيح جناته


فجان علم جان من بعض الاخوان=بشع ولابيدي من الامر حيله
علم الرفيق الاي دها القلب واشقان=اعزيز البادي مسلي قبيله
ومساعد الغزي رفيقه بليهان=الكل منهم راح ربه كفيله
اول خبرهم جان واتلاه مابان=فلب الخطا من فقدهم عزتي له
غديت مثل اللي بروغات الاذهان=حيران مالي غير حكمك وسيله
شالتهم الاحداث والدرب سلطان=تغرنا الدنيا نحسبه طويله
الكل منهم عادة فعل الاحسان=وعلومهم بين الرفاقه جميله
وكل تراه بعد ركن من الاركان=بالطيب عد وفوق راس الطويله
جتهم منيتهم بحق وبرهان=يرجون عفوك يا منجي دخيله
ابكي صحى وابكي عليهم مسيان=واقوم واقعد كن حدري مليله
ما للتوجد والبكاء اليوم ميدان=جيش المنايا شالت اليوم شيله
الله يرزقنا السكينه والايقان=من جور هالدنيا وعدله وميله
تجبر وتغفر كل ذنب بغفران=يا خيركل الملا ترتجيله
تجبر عزي المفجوع يارافع الشان=واجعل مساكنهم اجنان ظليله
مرحوم ياللي ماحدن منه زعلان=ريف الضيوف وريف ربع تجيله
مرحوم جعل القبر مسك وريحان=يالله يامعطي العطايا الجزيله
واجعل لهم في جنة الخلد مسكان=وكل يفوز برحمتك من حصيله
راحت سوالفهم مع افلان وافلان=كنه سواليف الف ليله وليله
وصلاة ربي عد ماتنشي الامزان=على النبي ابكل يوم وليله[/QUOTE]