يا بنت شرب التتن ما فيه عيبي

[روح التميمي]

مناسبة القصيدة :
يُروى أنه استضافه رجل من جماعته بالكويت , وأكرمه , وبينما كان سعد عند مضيفه
يتسامران , وسعد يغني قصائده , مرت امرأة بالقرب منهما , وكان سعد يدخن
فقالت : عودٍ طايحة سنونه ويشرب الدخان ! وهي ابنة عم لسعد , فقال لها اسمعي يابنت :




يا بنت شرب التتن ما فيه عيبي=كل النشامى قبلنا يشربونه
والشيب كلٍّ بأمر ربه يشيبي=وكلٍّ تطيح بدبرة الله سنونه
يوم أشربه (أونس) بقلبي لهيبي=مير اعذري قلبٍ تنوّع (شطونه)
وأبشربه مادام جرحي عطيبي=من همّ رعبوبٍ كما البدر لونه
وأبشرب الدخان والله حسيبي=خوفٍ على خلّي (سليما) تخونه
ويابنت أنا أقول المثايل وأديبي=وأقول علمٍ كلكم تسمعونه
ما لك واريه سرْح ولا لك عزيبي=ومن صدّ عنّ الناس وش يطلبونه
ولولا إن جدك من جدودي قريبي=لا أحطّ لك من كل شكل نمونه
واليوم روحي سالمه والتجي بي=في راس (عيطا) يقصر الطير دونه
والداب ما ينّاش نابه عطيبي=وأهل العقول الصاحية ما يجونه
أنا هوى بالي وشفّي وطيبي=حمْرًا (يبوجن الفيافي) متونه
كنّه إلى أنحت مع (خطاة) الشعيبي=(ربدًا) قِدِم خيّالةٍ يطردونه
أدور من (قرنه يشاد) الرطيبي=شقرا على ردفه تنثّر قرونه
هيفا حشا ردفه سواة الكثيبي=هيفا من الخفرات سودٍ عيونه
إن سهّل المولى وساعد نصيبي=تلقى نهار السبت حيٍّ يبونه
ديني على دين النبي الحبيبي=وأطلب إله الناس وأمشي بعونه



أونس : أحس . شطونه : همومه . سليما : الدنيا . عيطا : قمة شاهقة . يبوجن الفيافي :
يقطعن المسافات البعيدة . خطاة : مثل . ربدا : نعامة . قرنه يشاد : شعره يشبه