فـهـ التميمي ـد
2007, 03:48 PM
هذه احدى قصائد ابوعبدالله القديمه وهي تعبر عن نفسها
غلطان من يمشي مع افلان وفلان=في طرقة مايندرا وش وراها
يجيه ماجاني مع الوقت ينهان=نفسه تبيح من لهدها خفاها
وصل السبب(. . . .)على كل ما كان=هو مبتدا القصه وهو منتهاها
سير عليه في محلي مسيان=مع واحد يلحق لنفسه هواها
قال اوصلوني دون (ساجر) على شان=ربعي هناك وكل عين تراها
رحنا على هالعلم قدام ... الاذان=جينا ( العمار) وربعته مالقاها
قلنا نحدر يم مفرق (خريمان)=يمكن نشوف اصحابه اللي بغاها
جينا لما المفرق ولا بان سكان=و(وضاخ) و (الملقا) و(الاثله) عداها
عقبه انشوف انوار (دخنه) بالاعيان=قلت انشدوا هالقوم قبل انعداها
يمكن تعرف الدرب من غير حقران=فيكم ترى النشده توفر عناها
ظهر لنا ورع وقال العرب هان=من قبل سده وانتحت مع خلاها
واثر (. . . . .) امثعور فيه دخان=عنده خبر بالكذب دلوه ملاها
قال العرب يم (القراره) تحران=يالله عساها في محله عساها
جينا (الشبيكيه) وجينا (عريفجان)=(وبوالركب) لين (القراره) وطاها
ما بانوا اصحابه ولا علمهم بان=لما نشدنا واحد بقصراها
قال انهم عصر امس بالدار سكان=شدو قبل يظلم عليهم سماها
راحوا (سلام) وخطها مابعد زان=لكن يبا يوصلك ياللي تباها
رحنا ولاه اجروف ودروب شعبان=نمشي على لين الدروب وقساها
لما وصلناها ولا فيه سيدان=فيها غلام وطرقته مانواها
قلنا العرب قال العرب ماش يا اخوان=مدري ولكن الامير ابذراها
اميرها شمروخ للضيف مزبان=حجاتكم الا وصلتوا قضاها
رحنا لامير القوم والكل جوعان=الكبد عافت زادها من غثاها
قال اقلطوا كان انتم اليوم ضيفان=قلنا تعيش وعيشتك في هناها
ننشد عن العربان ياذرب الايمان=قال (بضريه)حيث هذا اسراها
ذا خطها باين وانا اقفيت زعلان=عيني تزايد من سببهم بلاها
والحمد لله تانكي الجيب مليان=والا ربوعي يقلع الله مداها
هراجه بالكذب والكذب خسران=سلعة ندم خسران من هو شراها
رحنا (ضريه) والمصايب تبلان=والطلعه اللي حوله ما رقاها
واشوا لقينا ربع طير ابن برمان=في عبلة يوذيك كثرت حصاها
فرحوا بنا الاجواد شيب وشبان=والدله الصفراء بريق وراها
استدنوا الطارف بسرع من الضان=قالوا عقب ساعه انولم عشاها
وانا على مابي من الهم حيران=الليله الظلماء بدت من عشاها
حط العشاء وكلت لكن عجلان=من شان بعض الناس نتبع رضاها
يوم انتهينا قال (. . . . ) تعبان=نرقد وروحتنا كذاتا بلاها
ناموا وانا مانمت بلحيل طفران=ارجي اربوعي خيب الله رجاها
دورت مفتاح اشهب اللون واشقان=حيث ابرق الجنحان مقصي اخباها
والله لو انه طاح بيدي ..يالالمان=من سرعته ..بنزه اتنزل غلاها
قعدت اخيل النجم من حر ماجان=لما البقر قام ايتجاوب اثغاها
ناموا وخلوني بلا ذنب زعلان=قعدت لين الصبح بالنور جاها
يوم ان نور الصبح من فوقهم بان=قاموا وهل سدرى تعز اخطراها
افطرت انا واللي لهم فضل واحسان=اللابه اللي حقق الله امناها
بالطيب والمعروف للعز برهان=مانسيت الواجب لنا من وفاها
ربع على المطلوب في كل ميدان=عز الصديق وعين ضده عماها
اميرها سمح النبأ مثل راكان=له كلمة بالضلع يسمع صداها
احلى من الجمه على كبد عطشان=في حال والا حال علقم حلاها
قلنا السموحه ودنا ياكحيلان=نمشي عسى روحك يطول نقاها
قال اقعدوا قلنا بلاشك يافلان=امقدرين اومن كتبها قراها
اكرمكم الله ياعرب عالي الشان=الواحد المعبود منشي طهاها
رحنا ومرينا(احديجه) و (كبشان)=لما وصلنا ديرة من قفاها
الاسم(قاعيه) وسكانه الوان=مايندرا وش طيبها من رداها
من عقبه (المفرق) حواليه ضلعان=سمر الضلوع اللي صعيب حجاها
من عقبها ياما وياما تلقان=امن الهجر وبيوت محدن رباها
لما (البجاديه) و (هجرة سليسان)=من عقبها (نفي) و (دخنه) قفاها
عقبه وصلنا (الرس) من غير حسبان=بصويحبي حيثه غشيم ابخلاها
لما (البدئع )من وراها للاوطان=(اعنيزه) اللي ماشهدنا كماها
وصلتها ورتحت مما تبلان=امور قلبي لو بغى ما نساها
وصلو على المبعوث من نسل عدنان=ماناض برق او هلت المزن ماها
محمد بن عبدالله بن حسن
الاثنين
15/11/1406هـ
غلطان من يمشي مع افلان وفلان=في طرقة مايندرا وش وراها
يجيه ماجاني مع الوقت ينهان=نفسه تبيح من لهدها خفاها
وصل السبب(. . . .)على كل ما كان=هو مبتدا القصه وهو منتهاها
سير عليه في محلي مسيان=مع واحد يلحق لنفسه هواها
قال اوصلوني دون (ساجر) على شان=ربعي هناك وكل عين تراها
رحنا على هالعلم قدام ... الاذان=جينا ( العمار) وربعته مالقاها
قلنا نحدر يم مفرق (خريمان)=يمكن نشوف اصحابه اللي بغاها
جينا لما المفرق ولا بان سكان=و(وضاخ) و (الملقا) و(الاثله) عداها
عقبه انشوف انوار (دخنه) بالاعيان=قلت انشدوا هالقوم قبل انعداها
يمكن تعرف الدرب من غير حقران=فيكم ترى النشده توفر عناها
ظهر لنا ورع وقال العرب هان=من قبل سده وانتحت مع خلاها
واثر (. . . . .) امثعور فيه دخان=عنده خبر بالكذب دلوه ملاها
قال العرب يم (القراره) تحران=يالله عساها في محله عساها
جينا (الشبيكيه) وجينا (عريفجان)=(وبوالركب) لين (القراره) وطاها
ما بانوا اصحابه ولا علمهم بان=لما نشدنا واحد بقصراها
قال انهم عصر امس بالدار سكان=شدو قبل يظلم عليهم سماها
راحوا (سلام) وخطها مابعد زان=لكن يبا يوصلك ياللي تباها
رحنا ولاه اجروف ودروب شعبان=نمشي على لين الدروب وقساها
لما وصلناها ولا فيه سيدان=فيها غلام وطرقته مانواها
قلنا العرب قال العرب ماش يا اخوان=مدري ولكن الامير ابذراها
اميرها شمروخ للضيف مزبان=حجاتكم الا وصلتوا قضاها
رحنا لامير القوم والكل جوعان=الكبد عافت زادها من غثاها
قال اقلطوا كان انتم اليوم ضيفان=قلنا تعيش وعيشتك في هناها
ننشد عن العربان ياذرب الايمان=قال (بضريه)حيث هذا اسراها
ذا خطها باين وانا اقفيت زعلان=عيني تزايد من سببهم بلاها
والحمد لله تانكي الجيب مليان=والا ربوعي يقلع الله مداها
هراجه بالكذب والكذب خسران=سلعة ندم خسران من هو شراها
رحنا (ضريه) والمصايب تبلان=والطلعه اللي حوله ما رقاها
واشوا لقينا ربع طير ابن برمان=في عبلة يوذيك كثرت حصاها
فرحوا بنا الاجواد شيب وشبان=والدله الصفراء بريق وراها
استدنوا الطارف بسرع من الضان=قالوا عقب ساعه انولم عشاها
وانا على مابي من الهم حيران=الليله الظلماء بدت من عشاها
حط العشاء وكلت لكن عجلان=من شان بعض الناس نتبع رضاها
يوم انتهينا قال (. . . . ) تعبان=نرقد وروحتنا كذاتا بلاها
ناموا وانا مانمت بلحيل طفران=ارجي اربوعي خيب الله رجاها
دورت مفتاح اشهب اللون واشقان=حيث ابرق الجنحان مقصي اخباها
والله لو انه طاح بيدي ..يالالمان=من سرعته ..بنزه اتنزل غلاها
قعدت اخيل النجم من حر ماجان=لما البقر قام ايتجاوب اثغاها
ناموا وخلوني بلا ذنب زعلان=قعدت لين الصبح بالنور جاها
يوم ان نور الصبح من فوقهم بان=قاموا وهل سدرى تعز اخطراها
افطرت انا واللي لهم فضل واحسان=اللابه اللي حقق الله امناها
بالطيب والمعروف للعز برهان=مانسيت الواجب لنا من وفاها
ربع على المطلوب في كل ميدان=عز الصديق وعين ضده عماها
اميرها سمح النبأ مثل راكان=له كلمة بالضلع يسمع صداها
احلى من الجمه على كبد عطشان=في حال والا حال علقم حلاها
قلنا السموحه ودنا ياكحيلان=نمشي عسى روحك يطول نقاها
قال اقعدوا قلنا بلاشك يافلان=امقدرين اومن كتبها قراها
اكرمكم الله ياعرب عالي الشان=الواحد المعبود منشي طهاها
رحنا ومرينا(احديجه) و (كبشان)=لما وصلنا ديرة من قفاها
الاسم(قاعيه) وسكانه الوان=مايندرا وش طيبها من رداها
من عقبه (المفرق) حواليه ضلعان=سمر الضلوع اللي صعيب حجاها
من عقبها ياما وياما تلقان=امن الهجر وبيوت محدن رباها
لما (البجاديه) و (هجرة سليسان)=من عقبها (نفي) و (دخنه) قفاها
عقبه وصلنا (الرس) من غير حسبان=بصويحبي حيثه غشيم ابخلاها
لما (البدئع )من وراها للاوطان=(اعنيزه) اللي ماشهدنا كماها
وصلتها ورتحت مما تبلان=امور قلبي لو بغى ما نساها
وصلو على المبعوث من نسل عدنان=ماناض برق او هلت المزن ماها
محمد بن عبدالله بن حسن
الاثنين
15/11/1406هـ