المغيولي وابن حسن ((محاوره))

[فـهـ التميمي ـد]

وهذه محاوره قديمه مع شاعر عنيزه الكبير حمد المغيولي رحمه الله

ولد الخال


سلام الله عليكم واسمعوا وش عند ولد الخال=مادم ان الصفوف وقوف كثر الهرج وشوله
نبي نلعب ليلة العيد بأول يوم من شوال=ولايحتاج بيبان الطرب ماهي بمقفوله

المغيولي



هلا حيت يارجال واللي قابلك رجال=متى مابان لي راس الشبح جبت الهدف حوله
نغني ليلة الجمعه ونلعب كل راس هلال=على ماقيل يارجال كلن قدر محصوله



ولد الخال



عسى يحييك رب ً بالسماء يدري عن الاحوال=ترا مافيك شك ورميت الرجال مقبوله
تجدد ما تجدد بالعلوم وكثرة الاقوال=بعد ماغبت عنا ياحمد غيبتك ياطوله

المغيولي



عساك امن الرجال اللي عليك يقلط الفنجال=ليا صاح المصيح بين فلتانه ومقفوله
ليا عاش البنادم ماتغير مدهله مدهال=يقوله واحد ٍ معكم غيابه مامضى حوله



ولد الخال



انا اخبرك وابشرك يطلع للعيال اعيال=لكن الرجل عن كل الدروب العوج مشلوله
اجل وين انت يوم انه حضر مشعان بن هذال=هذاك اليوم زاد القوم مانضج على التسوله



المغيولي



عساك امن الرجال اللي تورد والحبال طوال=ليا حن الجمل بالقيظ تاخذ بالفلا جوله
مع الصادر مع الوارد مع النازل مع الرحال= مع الطاروق والطاروق ياعرضه وياطوله

ولد الخال



حلالك يا حمد فيه الجنيه وفيه نص ريال=على كلن تراها منك يارجال مقبوله

[ياسر التميمي]

الله يبيض وجهك يافهد .. محمد وحمد من اكبر شعراء المحاوره ..

[فـهـ التميمي ـد]

وجهك ابيض ويعطيك العافيه


الله يرحم ابودحيم بواسع رحمته ويطول بعمر محمد

[Almo0or3b]

فــهد التميـمي..

مشكوووور جزيــل الشـكر علــى مآ قدمتــه..

يعطيـك العـآفيه..

[فـهـ التميمي ـد]

الله يعطيك العافيه

اشكر لك مرورك