أرسلت يم الحبيٌب كم مرسالي ..!

[روح التميمي]

أرسلت يم الحبيٌب كم مرسالي*



أرسلت يم الحبيٌب كم مرسالي=وابطت عليه من الغالي مراسيله


يومين والثالت ارقى النايف العالي=ودلٌه القلب لازادت غرابيله


يرتاح بالي واهوجس بالخلا الخالي=واحاكي الزين بافكاري واغني له


الى ذكرته لحالي ينسمح بالي=صورة خياله معي باليوم والليله


ماني على البعد والهجران محتالي=ودي بشوفه بعد ما غاب واشكي له


واليوم قلبي رصدته وسط جوالي=كوده يجي من حبيب القلب تحويله


لولا الحياء قلت حلو الوصف بالغالي=لاشك لمحة خياله كلها عيله


ارجيه من حسن ذاته يرحم الحالي=يرسل جوابٍ حياتي في تفاصيله


من غيبته ماتبي حالي ولا فالي=والقلب من لو عة الهجران يا ويله


ان كان طالت عليٌه منه عزالي=تكفون يافزعتي شوفوا لي الحيله


* نقلا عن حمد البادي