كلها شهر

[ابن الخطيب]

يالله .. متى افرح على سلامتك .. عقب الوصول=عسى العيون .. اللي بكت خلفك تجيك مسايره
يالله .. وقلبي .. من بعد فرقاك .. نبضاته طبول=مصبّره .. (( كلها شهر )) .. ولا نفعت صبايره
مسكين .. يا حظٍ تميّل .. ناشدٍ وين العدول؟=انت السبب .. ولا هلك .. كلكم بنفس الدايره
ساعة وداعك .. مرّت عيوني .. على اربع فصول=لا صار .. فيها اشياء .. ما كنت آتوقّع صايره
جيتك وانا اركض قصدي ان الوقت يا علّه يطول=ما همّني .. شماغي .. ولا ثوبي .. ولا زرايره
تركتني .. تمثال .. صابه من تواديعك .. ذبول=ما تفضحه .. غير .. اهتزازته .. على عبايره
تلمحك عيني متّجه .. من عبر .. بوّابة دخول=يا ليت .. في ذاك الوقت .. صدري يكون الطايره
انت العشق وانت الهوى .. وانت المحبّة والميول=شوفتك .. ربح لصاحبك .. والناس من خسايره
ما عاد اقاوم صدّ هالواقع .. ولا عندي قبول=كم لي .. احايل ضيقي .. ولكن عجزت اسايره
تذكر لقانا بالحديقة يوم تهمس يا مْهبول=والله مو بيدي .. هبالي .. دامك انت معايره
صغيري .. اللي ما كبر .. مهما تعدّيت العقول=ويلي .. على ذاك الكبير .. اليا بكى صغايره
بشكيك في صدري .. وقلبي طالبك فيه المثول=مير المصيبة .. لا شهد ضدّك .. عيوني الحايره
والمشكلة .. ساعة وداعك جات في اربع فصول=لا صار .. فيها اشياء .. ما كنت آتوقّع صايره