معارضة لقصيدة سليمان السلامة

[روح التميمي]

أعجبتني قصيدة شاعرنا العذب سليمان السلامة التي نشرها في المنتديات

تحت عنوان (ليتك تقولين وأدري) , فكتبت الأبيات التالية في محاولة لمجاراتها

قال سليمان السلامة :


إلى متــى ؟ ليتــك تــقـوليـــن وأدري=عـن وضعـى اللــى فــيـه مانيـب داري
طال الزمان وضاق بالوضع صدري=يطـرى عـلـّى بكـل يوم ألف طـــــاري
وصلك يحـسـس قلبي برفـع قـــدري=وهجـرك يحسسـني بـــزود أحـتـقـــاري
لاقـلت رحـتى وأجـهد الياس صبري=جـيتــى بـشـوقٍ تـشـتـعـل منــه نــــاري
بـين الرجـا والياس ضيعت عـمـري=لاباعـنـي قـلبـــك ولاهــوب شــــــاري
حاولت ما أهـتـم لوصالـك وهجـري=بــس المـشاعـر ماتجــي بـأخـتـيــــاري


وقال روح التميمي :



منتي على أول واختلف فيك خبري=لمحت من مده لهجرك مواري
ماعاد فايح في مشاعرك عطري=وما عاد لي عندك مزيد اعتباري
قلتي على الله واقبل اليوم عذري=هذا قراري كان تفهم قراري
وانا قبلت ودمعة القلب تجري=غصبٍ ولا هو جريها باختياري
زال الظلام وبانت خيوط فجري=من عقب طول الليل بيّن نهاري
يانور عيني ياورودي وزهري=تبقين نجمه لامعه في مداري!

[مشاري شمر]

الله يعطيك العافيه اخوي على هالباقتين الرائعات..

سلمت يمينك والله يرفع مقدارك ولايهينك..

وحبيت اشارك بالابيات القليله..


تجيني لفحة الحب بطلوع فجري
وأداريها بدمعتن ولا كن له طاري
طال الرجاء وانا اقول فيـه بدري
وأسـوق جرحن به الوليف داري