منك السموحة

[روح التميمي]

من قديم أبي زياد ..

منك السموحة


منك السموحة يا رفيع الراسي=يا مهدي الحجه وهي ملحوسه
عندي خبر وموثّقٍ بقياسي= يا ما لبس بين الورق كبوسه
من يوم أخذت بحقنا مرواسي=سويتها بين الجماعه حوسه
ألبستنا ملبوس بعض الناسي=والناس ربي عالمٍ بنفوسه
الناس في بعض العلوم أجناسي=عدّيتهم عدّ البخيل فلوسه
عرفت وش بيدي من اول ساسي=أخاف يجرح راحتي دبوسه
حاولت أحكّم بالقضية باسي=لا شك أخاف إنه تجي مكبوسه
وأخاف ما تنطح جوابٍ قاسي=تجيك صدفات الدهر منحوسه
من هالسبب قدّمت عقلٍ راسي=كلٍّ يقدّم له قدر ملبوسه
قلت أترجّى صفحة القرطاسي=تعطيك منها صفعةٍ مدروسه
أنت الفهيم بعقلك الحسّاسي=من زود عرفك صار كله سوسه
يا راعي المشوار أظنك ناسي=كثر الكلام خلاصته منكوسه
غديك ما تحتاج صكّ إفلاسي=ترى شقا البارود من نادوسه