مجاراة ابيات الزلامي

[حمد البادي]

قبل حوالي السنه طرح الشاعر الكبير

رشيد الزلامي

أبيات ووضع لمن يجاريها بنفس القوه جائزه خمسون ألف ريال

وإلى الآن لم يبت في موضوعها

المهم أني رديت عليها وبعثتها على عنوان المسابقه في حينها



تقول أبيات الشاعر رشيد




ياصاحبي درب العلا عسر بالحيل=دونه مسافـه جرهديـه وجـردا
وقدمك لعطران الشوارب مداهيل=قطاعة الفرجه على كـل سـردا
ون كان ما تقدر علوم الرجاجيل=عوّد وتلقى واحـدٍ منـك واردا





ورديت بهذه الأبيات







بديت بسم اللي عليـه التساهيـل=ربٍ خلقنـي فـرد وآتيـه فـردا
ومن بعدها حبيت أجاري التماثيل=واقطف نواميها كما قطـف وردا
لو كان ماني حروة الجدي وسهيل=ماغير أباريهم على كـور حـردا
يابو جميل الناس جيلٍ بعد جيـل=جيل أمس ماهو مثل جيل النهردا
ربك خلق خلقـه ونفّـل تنافيـل=تلقى وجيه إكرام ووجيـه قـردا
ولااحدٍ معدل مايل الناس تعديـل=ساير زمانك واطرد الهـم طـردا