تضحك على مين؟ انتبه

[حمد البادي]

تضحك على مين ؟ انتبه مانيب انا غرٍ غرير=لاتحسبني يوم افوتها غبيٍ ماافتهم

ياما وياما ياقليل الذوق غطيت الكثير=لو ان بك ذرة حيا حبيت راسي والقدم

وانا لقيت البعره اللي وصلتني للبعير=لو تاكل اوراق المصاحف وتعكف بالملتزم

والله مااصلح معك يالخاين لو ان الصلح خير=الصلح في عرفي مهانه مع رديين الذمم

مانيب وامن جانب أم اجنيب والناب الخطير=لو ما نهشني نابها تدس سمه بالدسم

لو ان ما فالأرض غيرك ما ربطني بك مصير=لو اصحب السحم الضواري وآكل اشواك السلم

بيني وبينك ماقفٍ قدام والماقف عسير= وارضى بحكم اللي خلقني من تراب ومن عدم