متسارع النبض

[ابن الخطيب]

يضرّ الانسان لو هو جاهلٍ قدره=هو غالي أو في غلاته شيّ متردّي
لو يخطي الرجل صارت زلّته غدره=يا ليتها غلطه من القلب وتعدّي
والنفس لو هي على كل شي مقتدره=معك الى الحين مدري لي متى حدّي؟
متسارع النبض لو كفّك على صدره=تلقينها من كثر دقّاته تندّي
لا تنظرين الدموع اليا مشت حدره=ما قال لك ناظريني وامسحي خدّي؟
حنّا سلاله من الدمعات منحدره=ولدي ليا من بكى يحيي بكى جدّي
يا ليت فينا لتصحيح الخطا قدره=تمرّ ما بيننا ودّي وما ودّي
وقلّة الشيء تحسب قيمة الندره=هذي الحقيقه وهذا دايما ردّي
والحزن والضيق والهوجاس والكدره=وقف قدّامها لرضاك متحدّي
لذلك الخوف لو عذري غدى هدره=في زعلتك كل حاجه واقفه ضدّي