دوار السندية

[روح التميمي]

دوار السندية*
أبوعبدالله مستاء جدا من دوار السندية,
ويعتقد أن مضاره أكثر من منافعه, ويرى أن وضع
الإشارة في ذلك الميدان أفضل من الدوار ..
وقد صاغ وجهة نظره هذه في هذه الأبيات الطريفة

السنديّه به دوار=يا ما كْثَر بُه من اخطار
يا جعل اللي مسويها=ما يقعد ساعة بالدار
وش ضرّه لو حط إشاره=وأبعد عنا هالدوار
وارتاحوا ناسٍ تاتيها=من كبار ومن صغار
واللي ماهوب مصدقني=يروح بليل أو نهار
ويشوف العالم وشلونه=بالموقع مثل الشرار
هذا يطلع من يمينك=وذا يطلع من يسار
والمقصد إني ومثلي=يقول الغوا هالدوار


وفيما يلي تعليقان شعريان الأول لشاعرنا المعروف
الأستاذ عبدالرحمن الهقاص (أبوزياد), والثاني لزميل
يرمز لنفسه باسم مزاجي:


من أجل التاريخ
دَوَّار مثله ماصار=دَوَّار عليه اغْبَار
وِشْ جابه يَمَّ السِّنْدِيِّه=دَوَّار(ن) خلَوُّه شْعَار
السَّيَّاريه أَوْلَى به=والسّدِيريه لو نِخْتَار
والخرِيجيه به مَجْراها=شِعيب (ن) مافيه أسْرَار
قِدَّام الباب الجنوبي=ساير للدِّيره تِذْكار
اسماء(ن) كِد سَمِّيتُوها=والعاقل يَبْقَى له كار
ماهو رَدِّ لْوِلْدَ الخال=أبوعبدالله بِيطار
لكن تاريخ(ن)للماضي=والحاضر هَمَّ الشِّعَّار


أبوزياد/ عبدالرحمن الهقاص
عنيزة 18/11/1430هـ

* * *

اسمه دوّار المقابــر = لاتختار ولاتحتار
عن يمينك مقبرتين = وثنتين عن يسار
ولا دوار القيامة=لجل الزحمة والاخطار
لامرّ الواحد من عنده=يذكر الجنة والنار
يعني لو تموت بحادث=قبرك اقرب من الدار
الله يحمانا وياكم=ويكافينا هالاشرار


* قال روح التميمي: دوار السندية أحد دوارات محافظة عنيزة
سمي بذلك لقربه من مزرعة تسمى السندية