حطام الدنيا

[الفتى المفقود]

ابطوع عسير القاف والمعنى واشد البيت= ابي كود المعاني عن هوى نفسي تسلبني

الا ياليت شعري يحتمل ما بالضمير اخفيت= يعبر لي عن أحوال بها الدنيا تعنيني

ابشكي من زماني واشتكي دنياي لا غنيت= حيث انه ما يساعفني على عسري وبالليني

وباأكد على الدعوى واثبت حجتي تثبيت= ويا داعي بحقي دام للدعوى مضاميني

الي مني خذيت احطامها وسط الملأ واقفيت= اشوف الرجح من يم الحصاة تشاهده عيني

والي مني زويته في يدي ساعة ورحت وجيت= على وضح النقا تقبل وتقفي ثم تزويني

والى ستدت لي درب مع الطاروق ما دليت= اتيه الدرب لو عيني على غيره تقديني

تنشقت الهبوب بلحظة طبيت ما سميت= احسب أن الضلوع امتان بالطرقة تهقويني

وانا بقول يالله السلامة كل ما عديت= وعن بعض الدروب الغامضة ربي معافيني

واثر مالي مها ش وتنطفي ناري ليا شبيت= وانا اجهل خطة التكتيك في قطف الرياحيني

بعيد ومن قريب الدار كل ولع الكبريت= بدا يأخذ ويعطيها وحط العشر عشريني

وانا واقف مكاني مادري بالوقت وش سويت= واشوف ان المؤشر ينخفض وحده وثنتيني

الا يقطعك يا دنيا بها حبل الرجاء مديت= ولكنه تقطع وانصرم ما بينه وبيني

الايا حظي اللي صار لاحي ولا هو ميت= مريض يطلب الإنعاش من ضرب المحاجيني

الا ياحالتي حالة طريد شاله التصويت= يهوش ولا يحوش إلا غرابيل وحواسيني

ولكن الله ابرك مير أنا ماقول ليت وليت= واعرف الصبر مفتاح الفرج والصبر يرضيني

عساها في سلام وتسلم النية ليا صليت= وربي بنتصف بالحق من دنيا يه الدبني