أفيقي واريقي من سموم الهوى ترياق

[حمد البادي]

أفيقي واريقي من سموم الهوى ترياق=رضابٍ يبل الريق بالريق ويندّي

يندّي فؤادٍ كل ما غبت عنك اشتاق= خفوقه يطق اضلوع صدره ويرتدّي

تعالي وضميني حنان وغلا واشواق=تعالي مادامه عامرٍ قبل ينهدّي

ولمّي بقايا ميت واجزاه ما تنحاق= على ساحلك والجزر مشتاق للمدي

وعلّي ضما كبدي ومن ضاق للطقّاق=ولا تحسبين احساب للهزل والجدّي

بهذا يكون الوصل ولا اعتقين اعتاق=ترى ما ورابي واصلٍ بالغلا حدّي

خذيني طفل فالحضن ومراهقٍ ماراق=تساوت معه لنكان غادي ومتقدّي

لوانه لحدّ السيف والنطع جا ينساق=على شان عينك يدفع الرجل ويمدّي

عشقتك عشاقه ما تسربتّ فالأسواق=ولاني من اللي طِق ولحق وِخِذ ودّي

عشقتك بدمي مخلصٍ لك من الأعماق=ماهو عشق ليل او يومٍ ايمرّ ويعذّي

لي اسنين أنا وياك في مخمصة وملاق=لذيذات لولا شطحة البعد والصدّي

أحبك جنون وجعل ماهوب حب افراق= لوان الطواري ترخي الحبل وتشدّي

بنيت القصايد فيك من هاجسٍ توّاق=خياله وسيع ايجيب الافكار ويودّي

دخيل الكرز والعنق والعين والدرّاق=وباقي تفاصيل المساحات والقدّي

دخيلك قبل للساق يلتفّ حول الساق=وهذا مصير الحي لابد لابدّي