مثلك يا " مجلسنا " على النت ماشِفت

[حمد البادي]

كم منتدى مريت كم منتـدى طِفـت=وكم صفحةٍ حطّيـت فيهـا رِحالـي

وكم حدّث الصفحه لي المايكروسفت=وكم إعتذَر مـرّات عـن فتحهالـي

مثلك يا " مجلسنا " على النت ماشِفت=أنت المكان اللي بِـهْ إنسـاح بالـي

حَضَنْتني رُغْم الأذى مِـنّْ والعَْفـتْ=واللـتّ والعَجْـنْ الغَثِـي والهبالـي

كـم مـرةٍ فـي ردّ لاذع تِطَـرفـت=وتكـرمـاً عـلـيّ . فوتـهـالـي

تدري بأن القلب ناصع كمـا البفـت=عِندك نظـر ثاقـب وميـزٍ مثالـي

إدارتك فوق الرُقِـي شالهـا اللفـت=وِمْراقبيـنـك قِـمّـة الإعتـدالـي

واعضائك اللي في عددهـم تشرفـت=ثـروه حقيقيـه نسـاء ورجـالـي

مهما بغيت أمدحك وامدحك ماانصفت=لكن عزاي إنـك معـي راس مالـي