من صفحة الوارد نحطك على الجنك!

[روح التميمي]

راجع رصيدك وادعم الشوق بالبنك=مادام تعرفني وأنا مثل اعرفك

وإن غرتك دنياك ومالت على الضنك=لا شك يسهل عندي اليوم صرفك

من صفحة الوارد نحطك على الجنك=والجنك عشر أيام وعقبه يحذفك

ما نيب أهدد والخطا سبته منك=راجع شعورك في كلامك وحرفك

حديتني من عقب ما كنت صاينك=يوم ان روحي بين جفنك وطرفك

خلك على مبداك لاين والاينك=من قبل زلزال الكرامة يغرفك

وإن رحت ما لدّيت صدّيت أنا عنك=والصد عندي ما يغيره حلفك