حاولت نسيانك

[بواقي جرح]

ذكرتني جرحٍ مضالي من العام
جرح الغلا يبقى على طول مدفون

عطني زمانٍ فات عشته بالأوهام
راحت حياتي كلها منك بطعون

حاولت نسيانك على طول الأيام
لكن بك قلب الشقاء صار مفتون

يا جارحٍ قلبي ترى القلب منضام
لولا سبب ما فات ما عشت مغبون

ما اظن عيني لو بكت يوم تنلام
عليك يا اللي بيدك القلب مرهون

حظي معك يا متلف الروح ما قام
من الوفاء وأنت الجفاء منك مضمون

بيني وبينك حبنا العام ما دام
لا ترتجيه اليوم وأنتم تخونون