يابيوت القصيد اللي مَلَـتْ صَـدري

[حمد البادي]

هذي بمناسبة عودة أبو متعب
طلبوها مني فرقة الفنون الشعبية بعنيزة
وسجلتها الفرقةعرضة لتلفزيون القصيم








يابيوت القصيد اللي مَلَـتْ صَـدري=فـي معانيـه واوزانـه واساليبـه
تِنْتِظر فوق أحَرّ الشوق من بَـدْري=جيّـة اللـي عقالـه مايـلٍ هيبـه
إدْرجِي من لِساني دَرْجِـة الكِـدْري=وافرشي درب ابو متعـب وهَلّيبـه
باسم شعبٍ مايَعْرِف نِيـة الغـدري=بيـت ثابـت بِعِمدانـه واطانيـبـه
عَلّمي من جهـل بالعلـم مايـدري=يَحْسِـب انـا سواليفـه والاعيبـه
بِـنّ هـذا مَلِكنـا عالـي القـدري=راس حـرٍ عطيبـاتٍ مِضاريـبـه
إبن عبد العزيز إمْصَفّـي الكـدري=لاوِرِدْ مـاردٍ صـفّـى مِشاريـبـه
إن زِعِل تِسْنِـدْ الدنيـا وِتِنْحَـدْري=مالِـقـت ماتلـوّابـه وِتِرسِيـبـه
وان رضي نور شمسٍ غازل البدري=وِانْعَكـس نورهـا للكـون والليبـه