عقآربَ الساعاتَ

[سعيد محسن الحريص]

عقارب الساعات دقت وابعد الليل النهار=اطول نهار القيض والا ليلة البرد الجليد

البرق يبرق بالسما والقاع قافيه الخضار=والناس تنثر حبها والله يفعل مايريد

العين في مد النظر ترتاح والنظره قرار=واللي يشوف البرق من ليله يهوجس بالشديد

واللي ركب بشداد ريمه مايهس اعن المسار=يارد مواريد القطا والموت في حبل الوريد

مني رساله لبو فيصل تاصله معها وقار=امدها من كف يمنايه بلا ساعي بريد

افوح ادلال على شانه وازيد الها البهار=واقول ابن عم ليا شفته يصر اليوم عيد

ابا انشده عن علم حيث العلم بحر وله مدار=والعلم بحر ودارسه تلميذ مايبتل بليد
ا
ا لسالفه صارت وحارت والخبر رد اختبار=ومن قلت له قلي عنه قلتله ماعندي اكيد

الطايره طاحت عل حد المدرج بالمطار =ولاادري عن الكبتن سلم والالحق عبد الحميد

ماتغفر الزله ليا جات الكبار من الصغار =واعذار ابو نواس ماتنفع لهارون الرشيد

كانك تجيز ابعلم نفسك شرع ماجاله شعار=دور بديل(ن) للظلال الشمس والميت شهيد


الرابحات الخيل وقت راح واليوم العقار=واللي حمل نجمه على كتفه يبي يصبح عميد

وجهت لي صاروخ ذري لايمين ولا يسار= من شاشة الرادار مايخط الهدف دايم سديد

كانك لقيت الذاهبه عطني خبر واضف الستار =وان ضاعت الجره عليك ارتاح والماضي رصيد

ومني تحيه لبو فيصل واحجزو له بالقطار=لاتزعل اصبر كلمة مني اخذها واستفيد