فطر بشهر الصوم وانا قـضــيــتـــه

[سعيد محسن الحريص]

اقصى الطريق اللي يوصلني انساك= وادنــاه لــو انــي تــركــتـه نــصــيته
يشهد علي الله ما مشي على رضاك=دامك هــــدمت اللي بـقـلـبـي بـنيـته
ولا اسلك طريق يهتوي القلب فرقاك=ماكان لك في وسط قــلــبي محيــتــه
غرب وانا شرق بشرك وحسناك =ولو حن لك قلبي غضبت وعصيته
جاملت لين القلب فسر نواياك= وبيح خفاه ابحكيك اللي حكــيـتــــه
بكره تبين إلك الحقيقه بمسراك=وتقول ياقلبي عــلامــــك سريــــتـــــه
خلك بدربك وآخر الدرب ابا القاك= تـذرف دموع بدربك اللـي مـشيـتـه
حتى لو ان الدهر عاندك وابكاك=لاتـلـتـفـت لـي والله انــي نـخيته
ماحاشته يسراك يطلع بيمناك= واكتب على كفك مدامي قريتــــه
وان كان تكتبني ترى القلب يمحاك =من باعني بالرخص انا ماشريتــــه
وان شفت في دربي مثيلك وحلياك= اجـــــنـبـه لو كان قـبلـه نـويـــتـــه
اسهر وخل العين تذرف خطاياك = وارقد ليا حسيت باللي جـنـيــتـه
كل السنين اللي مضت دورت افلاك= فطر بشهر الصوم وانا قـضــيــتـــه