سريت ليل شقاه أكثر من افراحه

[سعيد محسن الحريص]

سريت ليلٍ شقاة أكثر من افراحه=أمني الـنـفـس وإلا احـيـان اعزيـها


آخذ من الوِرد والصادر بمسراحه=واتـعـب لـها بـالمـراقي يـوم اعـديـهــا


وانـادي الـطيـر واومـيـله بمـلـواحه=وأحرص على شرد الجزلات وادعيها


أقطف زهر من ورود دوم فواحه= جوري وكادي وادقق بالنظر فيها


ياغافل الوقت لا يسرقك بأشباحه= مــاطـاب مــادام لك قـبلك مخليها


أكابر الكون تحت القاع ووشـاحـه=مـتـوسدين الـثرى والـعود باليـها


كلٍ على ما حصل له قبل مـرواحه=ما حاشت يديه ما يقدر يوفيـها


تمـاكن الـوقت لا يذبحك بسلاحـه= إرجع لخالقك دام النفس محييـها