آه البحــــر

[الحر المقيد]

من يشـــــيل الآه من قــــــاع البحـر
وينزع السـكين من خصــــر الفـنــــار
من يعيد الشمــــس لحــــدود النظر
أو يرد الليـــــــل عـن وجـــه النهـار
أسئله تمطــــــر كمــــا رش المطــــر
لا سحــــــاب ولا جـــواب ولا قـــــرار
مسرحــــــية ينتصر فيها القهــــــر
ليتــــنا يا صــــــــاح أرخيـنا الستار
يا عميق الصـــــــوت في وادي الضجر
أسمـــعك وأغـــــيب في رجــع القـرار
اسأل أحــــــلام البراءة والصـــــغر
وش بقى منهــــا على دروب الكبـار؟
واذكر البيــــــــــت المسجّى للقدر
والحــروف اللي بكت فوق الجـــــدار
كنا نكتب عن حكــــــــايات الدهر
كــنا نرســـــم للهــــــوى ظل ودار
واليمين اللي شــــكت حرف السهر
ما تشيـــل الحمل من دون اليســـار
يا رفيـــــــقي والكدر نفس الكــدر
الأمــــــــاني والثــواني بانتظـار
ما أخذت من الســفر غير الحــذر
وما لقـيــت من الهـوى كـاسٍ يـدار.


[url]https://twitter.com/url]