( خــياليـــــه )

[الحر المقيد]

خياليه.. وليليّه
احس بقربها ليّه
أناديها بليّا صوت
واســــــــمع صوتها فيــّه
لها في الليـل عطر الليل
وشــمعة قرب مضــــويّه
واشاهد خطوها عندي
واضم طيوف ورديه
وارحل والامل يسأل
وانا المحتار من هيّه؟


وليليّـــه وأنا ســــــــاري
اعود لغـــــربة أفكــاري
واشوفك طيف بدروبي
وصـــوتك نغـمة أوتاري
وأفتح باب وأســكر باب
وانتي شمــعـــه في داري
وأنــادم بوح يسكن روح
واطفي الجمـــر من ناري
ويكـــفيني وجود انســان
سرى مع خطوة السـاري
وقــف في خاطري وارتاح
وبعــــثر دفـتر أشعاري
ســـــــرق مني وهم وقتي
واخذ داري ومشـواري
خياليه ويومــيه ..
تكون الفيّ والميـــــــّه
واعاود سجعها مرات
على سجع الهواويه
وارحل والأمل يسأل
وأنا المحتار من هيّه؟
خياليّه
وليليّه
احس بقربها ليّه.