لوحـــات

[الحر المقيد]

لوحــــــات

الليل موحش والسهر بحـــر واصوات
والنور شــمعه تحترق في صــدر حـــوت
والحوت يســــبح بالبحــر ســبع مرات
يصـارع امواج الاسـى خـوف وســـكوت
يدور في ليــلاه مســـــــــجون حسرات
ويوزن ظلام الليــــل في ضـــيّ ياقوت
لو قلت لك من أمـــس عن ظلم الآهات
آهات غابت خوف في غاب موقــــــوت
ابني بيوت الليل على بيـض صفحـات
وبــيوت تقـراني وتمحـــــاني بــيـوت
تغيرت دنيــــاي من طـــيب لـــــذّات
وسجنت حر البال في صـــمت مكبوت
من اول الدهـر المســـــافر من الــذات
ومن آخر انغام الثــريا على النـــوت
لوحـــــات تظهر لي وبالبعـد لوحـــات
وانا اعيش بتيه وبعيوني المـــــوت
تمثال انا مرســــوم والوقـــــت نحات
ينقش خطوط الريح في وجه منحـوت
تبقى حيـــــاة وجـــــات في لمح نظرات
وراحت تهــــز الكتف لاطلال وبيـوت
يا مــــترف الايـــام للاحـــلام هـــنّات
اظنهـــا بعضي وبعضــــي بتــابوت
ان جـــــيت في وعـدك فيـا سعد جيات
تزهى الرياض بجــيتك زهـرة التوت
يا رب يا رحمن من غـــــربة اوقـــــات
تجمع غريب الصوت ويعانق الصـوت.