عيا الزمان الزين لايحتوينا

[سعيد محسن الحريص]

عيا الزمان. الزين لايحتوينا
وعيت علينا عزة النفس ياسعود

لولاعنا بانياب فكه رضينا
باللي كتب مانكره النقص والزود

ونقول من جور الزمن ماعلينا
ونقاومه بالباس والكف وزنود

لاكن بتال الوقت ولله بلينا
باهل النمايم بيضنا عودة سود

واليوم من جور الضعوف انتهينا
نكيل له بالصاع ماكان موجود

يشرب كدر ونقول له شف وفينا
نردلك حكم النقا صاع بارود

ياسعود سوينا. جميل او لقينا
رده من اصحاب الردا قبح مردود

ان جيت اشوم اعن الردي دال فينا
وان جيت ارده حبل رمثن وممدود

ياسعود سترن ماتمده ايدينا
ماهوب فرض ولا على روسهم عود